【#Nj評《正義聯盟》】唔需要下下都跟Nolan神作比較

經歷過《蝙蝠俠對超人：正義曙光》，我相信DC已經無得再爛。任憑你話鍾意先前定下的黑暗風格，但今次明顯係聽過好多聲音讓DC去提高作品讓大眾接納的可能性。《正義聯盟》畫面上係比較光亮，但又未去到對家的世界光程度，算是找到平衡。而Nolan為英雄電影定下超高度，可是我們不應以後就以此標準去衡量DC電影，至少大神的Dark Knight系列沒有寫入team work的元素，我們都可以在另一角度看英雄聯盟拯救世界。1. 簡單直接，爽快到位，娛樂性充足，無拖戲無龍珠，今次滿意收貨算幾唔錯！
2. 夠娛樂性就開心？係呀，上次悶到訓著幾咁有"深度"都無福消受，我認為電影可以有唔同拍法，超好笑超黑暗超娛樂超細緻都可以係好電影。
3. 組隊後第一戰拍得好好睇，即是荒狼捉走Star Lab研究員後的一場戲，各展所長，神奇女俠打大佬，蝙蝠俠打散仔提供逃生設備，鋼骨周圍幫下同加強火力，閃電俠救人於無形，水行俠做摩西，合作上有默契，完全感受到咩叫team work
4. 去到終極大戰開始係眼瞓時刻，眼花撩亂大混戰正式開始，個人來說一向不太欣賞這種大而無當細心睇就發覺內裏空虛的場面
5. 對超人好感度提升，以前的龍珠式毀滅殺敵絕招太多。今次雖然繼續屈機mode全開，但劇本安排他出場時間濃縮壓後，間接讓他減少破壞平衡。笑著打大佬，寸得嚟又突顯輕鬆自在，襯托下超人變得真正的more human6. 睇得出有啲畫面係後期補拍或者比較格格不入，尚未算好令人出戲。如神奇女俠首出現的一場劫案意義不大，純粹俾機會女神顯身手，裡面提及到那些有特別崇拜癖好的恐怖分子在後面劇情完全沒有再次提及
7. 鋼骨閃電俠水行俠只有描寫短短幾筆就入隊，不深刻但算合理，更好過拖戲浪費時間，反正遲早都係埋班，快快脆脆入正題好過
8. 其中一段回憶咸豐年代的多種族大戰荒狼拍得有史詩感覺，直頭好似魔戒，開始期待綠燈軍團電影
9. 文戲cut到極少，上回致命弊病係過多劣質文戲，今次打戲有水準亦足夠，但高質文戲仍然缺乏。例如關於蝙蝠俠領導英雄團隊的自我質疑，可以發揮得更好，結果只有跟神奇女俠的草草幾句便急著趕下去其他情節
10. 閃電俠的負責搞笑設定其實有點無謂，太多反而笑唔出... 這方面無必要勉強，點綴一下就可以.
70分
文： Nj
.
*讚好專頁【 電影狂人-影評情報交流平台​ 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
.
*追蹤instagram【 madman.movie 】有你著數！

*// https://www.instagram.com/madman.movie/ //