【#Nj評《起底組》】港產片少有的電子網絡世界視覺設計


睇完首映兩星期係時候講下,電影可以一看但不要太大期望。故事其實無乜特別,比較散亂,沒有調查類電影應有的神采。有嘗試去講高登仔點樣起底,但太簡單呃唔到人,無那一種說服到觀眾網民神通廣大虛擬世界臥虎藏龍的感覺。描寫宅男特質方面,跟神枱級〈Big Bang Theory〉還有一大段距離。
.
演員做得幾唔錯,游學修做得最自然,唔似演緊戲,不過個角色係無背景可言,所以笑完就算。林耀聲個造型差點認唔到,有設計過的小動作,不過角色好似強行被添加意義,宣揚做毒男都可以為正義發圍,表達得麻麻地,熱血感營造得有點老土。鄧麗欣由唔知幾時開始,大概是〈空手道〉〈藍天白雲〉,進化成專演深層次黑面角色,可能睇慣咗覺得今次做得唔錯,不過劇本寫到個人物太多心理起跌時喜時悲,唔得一致。陳凱琳第一次做電影,表現OK,難得肯演一個不討好角色,又要爆粗,希望日後再有機會在大銀幕看到其身影。鄧月平角色有串連故事人物作用,無太大發揮可能性,但配落游學修一班後生高登仔幾夾。
.
不過欣賞電影在視覺上的設計,看得出極花心思。港產片多在鏡頭、動作、爆破、飛車等的實體視覺下功夫,少有大量後製動畫元素,但〈起底組〉在畫面加入很多特别電子產品應用或遊戲設計富有新鮮感。附上首映禮入場券一張,特意造成手提電腦外形,不單純貼上一般宣傳海報圖片,另外設計不少宅男標誌圖案,周邊包裝實在做得有心機有驚喜。
.
*追蹤instagram【 madman.movie 】有你著數!
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊!***
------------------
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

如果喜歡我們的文章,請即分享到︰

標籤: 起底組  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→