【#Nj評《洩密者們》】娛樂性強 結局玩太大 精選

《洩密者們》對象觀眾似乎不是香港人，宣傳可以話好少，沒多人看上映期短。每逢香港公司主導的電影，需要劇情稍為國際化尤其要涉及恐怖活動陰謀，舞台定必設置在東南亞，如這次的馬來西亞，那邊亦擁有龐大的華人票房潛力。好彩，雖然兩地兩邊走削減不少地方特色，但演員方面卻有大量我們熟悉的香港面孔，你仍然可以承認這是一部港產片。而他們在可發揮的框架底下表現還好，只可惜劇情限制多演員沒太多發揮機會。故事大概就是有人四圍發放致命病毒，然後扮好人賣新藥獲利，『洩密者』就是一群睇唔過眼決心揭露真相的組織。算唔算劇透？唔知，不過唔難估啦。情節在其他電影似曾相識，現實亦好像曾被陰謀論提出，不能說很破格，但拍出來動作懸疑各元素相互補足都好過癮。一開波個節奏就不停衝，令人持續緊張個氣氛做得好好。細膩劇本就早知道不會出現，但吳鎮宇與譚小環一條作為人物背景補充作用的故事線短短幾筆效果又幾到肉，其他角色之間交流唔夠。吳鎮宇張智霖作為兩地警察具衝突又微妙的關係值得更多描寫，佘詩曼周秀娜出場時間不均，使到演員沒有機會發揮到盡。故事亦不能避免地進入越玩越大的黑洞，到中段打後開始混亂，角色完全進入忘我模式拋棄一切自身崗位操守成就結局高潮。中間亦採用極直接淺白大漏洞又扮嘢方法向觀眾揭露組織角色神秘身份，就像好多日本片一樣白痴。其實套戲個訊息唔差又幾有娛樂性，但始終還是粗疏及玩太大不能合理收筆，前面做得幾好都未必令人留下印象。.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan