【#Nj評《打死不離3父女》】映後再睇預告都夠起雞皮,唔推介枉為電影迷

最簡單咁講,呢套戲,你係一定要睇。其實我都已經係幾星期前獲邀去看優先場,好多時激動係一剎那,一個唔覺意夜晚返到屋企玩陣電話瞓醒就冇晒感覺。話說上星期去戲院睇泰國片,開場前播放《打死不離三父女(Dangal)》的預告。一路睇,我無誇張,成個人起晒雞皮熱淚盈眶,那一刻我先發覺因呢套戲心底裡引發出的激昂一直沒有消退。每個畫面都充滿記憶,加上印度片大量超正配樂,真係足以令我心情興奮多一整日。雖然近排懶到爆冇乜意欲寫文,但係唔向大家推介《打死不離三父女》真係枉我自稱爲為電影愛好者。
.
演員Aamir Khan應該都算係小學讀聖雄甘地以後最被認識的印度人,佢至少有幾部戲在香港搶盡話題。好慚愧,我到依家還未的起心肝睇《3 idiots》(當年小弟唔識貨請包容😛),但睇過《PK》你就知佢犀利,要拿宗教來衝擊係幾咁敏感難處理的一件事,始終印度是個宗教國家。要對比《PK》跟《Dangal》,前者拍得好兼更值欣賞的是膽識,後者則拍得一樣好亦易入口每個人都會喜歡。真心,我唔認為有人睇完會反感挑剔,所以香港發行迪士尼夠膽以『零負評』來宣傳唔只係自信,更加係客觀事實真心話,一點都沒有誇張。
講到電影內涵,父女情及社會多種問題係故事主線。Aamir Khan係印度良心,每次都精挑細選他覺得有價值的題材拍攝,不只停留在自己國內討論層面,作品更拍得異常優秀有足夠能力跳出印度希望國際關注改善社會。我們大概從紀錄片或新聞特輯聽過印度男女地位極度傾斜的議題,但以這構成活生生有血有肉的故事去感動人心還是少有。撇除改善社會價值觀的教育意義,這部電影還可以當成運動類電影去欣賞,除了精彩剩下仍然是精彩。接近三小時的內容,學習摔角至打上國際賽每一階段的爽快節奏帶著觀眾走,沒有一刻多餘,沒有一刻想看錶。印度電影人就是喜歡把想到的劇情一次過熱情的送到你眼中,當你每次以為故事即將完結又即時預告下一波困難的來臨,高潮疊起目不暇給。假如是香港或荷里活,分上下兩集上映是常識。
.
當中的印度社會困境本文無意重覆或討論,故事中要講的都講得好清楚,亦是這部電影易入口的成功之處。我最驚訝的一個位是初期爸爸是出於私心強逼女兒替自己圓夢,編劇大可從頭就只描寫他苦心為女兒未來得一技之長的慈父一面。但亦因此感到這部電影的與眾不同,主角爸爸就正是擁有極高父權的投射,他說了算,故事內沒有把怪獸家長的形象刻意淡化甚至抹除,反而以副線使兩姊妹感到學習摔跤的好處去配合爸爸期望。一切都直接了然,沒有扮高深,沒有懶風格的手法,精確掌握好節奏,安排好從零至登上世界舞台的每段艱辛過程,拍成今天引領宣揚普世價值的一部精彩電影。
.
90分
文: Nj
.
*追蹤instagram【 madman.movie 】有你著數!
*// https://www.instagram.com/madman.movie/ //
*
*讚好專頁【 電影狂人-影評情報交流平台​ 】緊貼最新電影資訊!***
------------------
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

如果喜歡我們的文章,請即分享到︰

標籤: 打死不離3父女  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→