【#Nj評《建軍大業》】講真打得好睇,人物多到同《權力遊戲》有得揮,不過唔熟歷史會睇到一頭霧水...

(唔好又話我係咁宣傳套戲,一蚊都無收過)
(純粹用電影角度講兩句,麻煩唔好太政治去攻擊)
===========================
又係『主旋律』電影,不過睇得出近年呢類電影係有少少改變
《建國》三部曲頭兩套睇個樣咁悶,完全無興趣
但係早兩年《智取威虎山》其實拍得幾好睇架,係解放軍背景睇唔慣咁解
上個月《明月幾時有》都ok,仍然係許鞍華風格主導,少少牽涉中共帶領抗日意味
而今次肯定係這幾套戲裡面最"紅"的一部片,直接講共產黨國民黨之戰
Nj理科出身,中國歷史知識只去到中三,何況已經還返所有俾老師
所以電影頭半小時講背景,節奏去得超快,人物多過《權力遊戲》
我完全跟唔到,車尾燈都只係勉強看見,係我錯,讀書少,唔識嘢
唔係好清晰知道講乜,總之就話國民黨背叛革命,共產黨要實踐孫中山先生抱負啦
嘩,紅到你,呢個就係最大政治爭拗位,究竟邊個黨衰先?
我唔知啦,都話對歷史唔熟悉
佢會講下蔣介石對於共軍攻擊愛理不理的傲慢態度
佢會寫周恩來好努力去招兵買馬起義,年輕共軍為新中國夢想幾咁熱血...
演員陣容真係超龐大,不過唔係好熟大陸娛樂圈,我全部演員都唔識
聽講話特意安排唔少當紅小鮮肉參演,可惜是著上軍服後我完全分唔到...
好老實講,唔計政治立場來說這部片其實不差
至少片中兩場最大的『南昌起義』跟『三河壩之戰』拍得有聲有色娛樂性極強
突襲商務印書局加上斧頭幫超型格,亦睇得出場景製作用心,無限爆破完全唔吝嗇火藥
我就話劉偉強一定係心諗難得有十部片加埋咁多錢俾我玩,理得你紅唔紅啦
反正佢已經上晒岸唔理你班友點諗,同徐克一樣把紅片玩到超商業
可惜唔夠描寫當中兩大陣營之間一些特別關連-同根生,其實可以再放大一點
例如原是同一間軍校畢業的前戰友要在戰場對壘,死後獲敵軍厚葬的情義
有講,但唔多,假如無太多政治訊息的話相信一定有更多篇幅鋪設
亦無深入講國民黨,最好睇嘅電影一定係兩強均有合理兼具智慧的立場分野
偏重一方缺乏對照只會看似假熱血,不過『主旋律』電影你明的,算係咁。
=
*追蹤instagram【 madman.movie 】有你著數!
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊!***
------------------
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台
http://www.fb.com/MovieMadMan

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→