【#Nj評::〈孟買酒店〉】本週必睇,唔睇就再無機會...

四天後影壇巨獸橫空降世,〈孟買酒店〉幾猛料都好注定搶唔到香港票房無運行。只希望可以靠口碑存活下去,因為真係好好睇,只欠觀眾俾個機會入場。
.
電影故事內容講一宗發生在印度孟買的大規模恐佈襲擊,夠近代亦出名足夠讓人投入。基本上睇trailer已經好吸引,電影亦無令人失望,真實、緊張、刺激,好快入戲打足全片驚足全場。開始一段講孟買內不同地點都受到襲擊,然後附近的人都跑到大酒店內避難,亦因此引狼入室展開困獸鬥。
.
當今“神劇”一詞被〈權力遊戲〉重新定義,其中一個重要元素是 沒有英雄主義、不設主角光環。電影內人人都對事件產生作用互相影響,亦有不少意想不到突發死亡的情況,在英雄崇拜的氣氛下逆其道走小人物路線的〈孟買酒店〉相信有潛質成為神劇之一。雖然人物不少,故事線都有好幾條,但分配得妥當有戲可演,氣氛一流內容豐富又易跟。不似得〈白宮淪陷〉〈虎膽龍威〉之類有一位萬能型好打得主角,今次可以話全場都處於捱打狀態,一眾重要角色都只是小人物但他們每個決定均具關鍵性,在自己崗位發揮所長求生,人性光輝醜惡共冶一爐,可以定性為災難片,此片種愛好者必定滿意。
.
同期看了同系[誤]的〈假面酒店〉,似乎對酒店行業有更深一層理解。兩部作品都經常提及到『Guest is God』的思想,想盡辦法去滿足客人要求。遇到麻煩的房客要服侍周到,遇到恐怖分子都可以放棄自己逃走機會帶領客人避難。聽落去好離地,但我相信亦肯定有這種英雄。只不過,自問於戲中極端困難處境,真係做唔出咁偉大,所以更加佩服角色原形在現實中的犧牲精神。有時候你越發現自己無能為力,便越懂得欣賞。
.
*追蹤instagram【 madman.movie 】有你著數!
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊!***
------------------
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→