〈3X反恐部族〉，我細細個就聽過佢個名，係呀，明珠台成日播，但係一次都無睇過。對我來說，這未到八九十年代般的經典，未吸引到我特意去找機會花時間看一回，如是者帶著零期望心情就入場。首先簡評幾句，極具娛樂性，裡面反物理超越人體極限的動作目不暇給。好想去信《學是學非》製作組要求新一輯每集講解那些誇張電影物理極限，再叫幾隻是非精進行人體實驗，最緊要有Mayanne癲婆乜都唔怕勇於嘗試。電視電影界互動宣傳，節目質素肯定拍得住外國電視製作。
劇情方面我相信都無咩人會太在意，總之就是打打打爭寶物再打打打，即使多番轉折睇到唔係好明 (或者真係無前因無動機)，都無所謂啦。男主角Vin Diesel今次真係被宇宙最強搶盡風頭，丹爺一開場學煎pan樓跳樓不禁笑出聲。佢出場每下功夫都chok一chok樣，動作亦特別誇大，chok到唔講以為係模特兒影封面照。其實唔止丹爺，Tony Jaa都係chok樣chok笑chok太多，令到件事睇落好唔現實小丑表演一樣。電影整體感覺似史泰龍領軍的轟天猛將只不過是年輕版，戲中好多猛料演員你都分別見過，今次就讓這些下一年代的動作演員先互揪再集合一起打打打，所以其實都睇得幾過癮。最後最後，講講整部片最大問題—吳亦凡，不想得罪韓粉，但我真的不知道他的角色在電影劇情中究竟有甚麼作用…
75分
文：Nj
－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
▲歡迎影評投稿－分享交流！－－－－－－－－－－－－－－
請按此登錄後留言。未成為會員? 立即註冊