【#Nj評《奇門遁甲》】唔好認真睇,就會覺得好過癮(尤其係大魔王講普通話...)


《奇門遁甲》好明顯不是打香港市場,雖然導演係袁和平,監製係徐克,他們兩個都係當年貢獻香港電影的重要人物。電影亦唔係打認真劇情市場,因為宣傳寫『徐克袁和平打造「極騎呢」超級英雄;周冬雨掌門指揮李治廷雞手鴨腳救地球』。我唔會鬧出走大陸拍怪誕電影的舉動,我反而樂見他們一把年紀還會嘗試玩這些奇異創作。同名舊作都係袁和平作品,不過就好肯定今次他只是掛名導演,因為睇過你就會發覺裡面的一切都是徐克借助大陸資金實現自己脫俗風格的嘗試。千祈唔好認真睇個故事,要當cult片睇,其實都好過癮好好笑。
.
故事其實都算好正路,某門派去搵被選中的細路,然後搵著個傻妹,而其實周冬雨演這名傻妹都令人看得好舒服。飾門派老大的伍佰,感覺唔錯有資深領袖風範,可惜中途唔知走咗去邊。反而香港代表李治廷,演戇戇直直捕快便沒有太多發揮,角色都是追隨平凡小子學懂奇能拯救地球的套路。
.
睇下初頭出現那條魚怪,不知幾似徐克年頭執導《西遊伏妖篇》的沙僧,見到條魚在屋頂彈來彈去打人咬人,成個人當堂覺得好治愈。又睇下幾大武林天王的造型,又係笑死你。有個玩火的超級似廿年前TVB《西遊記》的東海龍王化妝,又有個成個枯顱骨頭造型好似西片見過或者Halloween。仲有仲有,捉怪後洗去凡人記憶根本就係來自《黑超特警組》!不得不提當然係終極大戰,成班人好似五色戰隊爆seed飛晒上天,然後原來都係唔夠打,最終要神鳥出手。兩三隻神鳥打來打去,完全係金銀鳥那集《寵物小精靈》大電影,CG特技未夠完美展現我都覺得好正喇!最正係那隻來自《魔獸爭霸》還是《魔物獵人》的大魔王會說普通話。
.
文: Nj
.
多謝 @發行工作室 邀請參加優先場
.
*讚好專頁【 電影狂人-影評情報交流平台 】緊貼最新電影資訊!***
------------------
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
.
*追蹤instagram【 madman.movie 】有你著數!

*// https://www.instagram.com/madman.movie/ //
標籤: 奇門遁甲  

留言


請按此登錄後留言。未成為會員? 立即註冊
    快捷鍵:←
    快捷鍵:→