# 評 #《魔幻森林(The Jungle Book)》

◼︎◼︎迪士尼《小泰山》動畫電影改編小說,由WaltDisney本人監製1967年上映。接近50年後製作成真人電影《魔幻森林》,外國獲得大量好評。
◼︎◼︎我對《小泰山》係有一定感情,原因係小時候應該睇過呢套動畫幾十次。小時候我最愛卡通片係《獅子王》,即使去到而家,一樣覺得好好睇。《獅子王》1994上映後,我得到一餅錄影帶,暑假唔洗返學就每日屋企播,播完就倒帶再播,咁多年來可能睇過過百次。最欣賞係,即使香港市場好細,裡面大量歌曲都有廣東話版仲要係歌詞好跟足原曲意思又好聽。同一餅錄影帶內,除了《獅子王》外還跟有一套《小泰山》,所以
好多時睇完《獅子王》會順便睇《小泰山》。唔覺得《小泰山》特別超好睇,仲有一段距離先追到《獅子王》,不過一樣有一堆好好聽嘅歌,聽聽下入晒腦。

◼︎◼︎抱著回憶感情,走入戲院睇《魔幻森林》。講真已經差唔多廿年冇睇《小泰山》,已經唔記得大部份劇情,記得有熊有豹有蛇有猩猩,其他唔記得。聽講CG超班到極點,特登去睇機場IMAX,無失望CG真到好難相信得一個演員對住空氣演戲。電影亦好善用IMAX巨幕,有幕奸角猩猩大王爬嚟爬去令觀眾要投入到郁住個頭去望佢爬咗去邊。故事方面其實缺乏結構,有些角色只出現一場對後來劇情影響又不大,不過可能屬於經典情節難以刪除。原本歷險劇情之中,新版亦加入好多設定去現實化,例如對比黑熊巴魯跟黑豹巴希拉之間對制度嘅睇法,叢林法則對大象嘅尊敬態度等等。可以聽到經典歌曲其實已經好感動,"Bare Necessities"正呀喂(下面有新舊版本link可以對比下)!不過咁,我可能睇慣以前比較歡樂感重,動作又誇張好似得意啲。新版雖然背景之類係詳細,但總係差啲嘢,太現實真係冇咁開心。

《小泰山》"Bare Necessities" :
https://www.youtube.com/watch?v=5dhSdnDb3tk
《魔幻森林》"Bare Necessities" :
https://www.youtube.com/watch?v=VWu5FAJrUpQ

文:Nj
--------------
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
▲歡迎影評投稿-分享交流!
--------------

如果喜歡我們的文章,請即分享到︰

標籤: 魔幻森林  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→