TVB所謂的「重頭劇」《再創世紀》終於播出，睇陣容卡士，加上打住《創世紀》的劇名，的確有啲令人期待，但一睇落去，小編發覺真係問題多多，先唔談劇情同演員表現，淨係細節位都已經「求期」得令人汗顏！
《再創世紀》主要講述2008年全球金融海潚及其後的故事，所以有唔少講述股市嘅劇情，昨晚就講到香港首富方松蔭（胡楓飾）旗下嘅天蔭集團出事，股票急跌，但呢一幕就睇到我差啲爆粗。
唔知大家有無買得過股票，如果你有買開，都應該知香港的股票報價係綠色代表升，紅色代表跌（同大陸Ａ股相反），昨日一幕天蔭股票由前收$86急跌76.51%，跌到$20.20，報價用紅色顯示，完全無問題：
但之後神奇的一幕出現了！話說劇情講到林文龍在低位大手買入天蔭，令到天蔭股價由低位反彈，但個報價機竟然係用綠色顯示。要知道綠色代表股價比前一日收市價上升，而$40.20只是比前一日「跌少咗」，而唔係比前一日收市價高，但劇組竟然白痴到用全日最低股做昨日收市價計算，把由低位$20.20「反彈」到$40.20當作「回升」99%，認真錯到離譜！
係唔係劇組無人買過股票？但大佬，就算無買過股票，係唔係都應該做下資料搜集？ＯＫ，當你拍嘅時候無留意，但點解之後可以出到街？
《延禧攻略》咁多人討論，除咗因為劇情緊湊、演員演得好之外，就係佢哋之細節位做得好好，製作非常認真，有去考究當時年代嘅一事一物。相比之下，TVB所謂嘅「重頭劇」，竟然連呢啲位都可以錯得咁不知所謂，點叫人去重視你？
資料來源：ＴＶＢ、蘋果日報
《再創世紀》主要講述2008年全球金融海潚及其後的故事，所以有唔少講述股市嘅劇情，昨晚就講到香港首富方松蔭（胡楓飾）旗下嘅天蔭集團出事，股票急跌，但呢一幕就睇到我差啲爆粗。
唔知大家有無買得過股票，如果你有買開，都應該知香港的股票報價係綠色代表升，紅色代表跌（同大陸Ａ股相反），昨日一幕天蔭股票由前收$86急跌76.51%，跌到$20.20，報價用紅色顯示，完全無問題：
但之後神奇的一幕出現了！話說劇情講到林文龍在低位大手買入天蔭，令到天蔭股價由低位反彈，但個報價機竟然係用綠色顯示。要知道綠色代表股價比前一日收市價上升，而$40.20只是比前一日「跌少咗」，而唔係比前一日收市價高，但劇組竟然白痴到用全日最低股做昨日收市價計算，把由低位$20.20「反彈」到$40.20當作「回升」99%，認真錯到離譜！
係唔係劇組無人買過股票？但大佬，就算無買過股票，係唔係都應該做下資料搜集？ＯＫ，當你拍嘅時候無留意，但點解之後可以出到街？
《延禧攻略》咁多人討論，除咗因為劇情緊湊、演員演得好之外，就係佢哋之細節位做得好好，製作非常認真，有去考究當時年代嘅一事一物。相比之下，TVB所謂嘅「重頭劇」，竟然連呢啲位都可以錯得咁不知所謂，點叫人去重視你？
資料來源：ＴＶＢ、蘋果日報
請按此登錄後留言。未成為會員? 立即註冊