足球 X 欖球!全場壓前欖球戰術,開波僅10秒神配合破門!

超低能.勁搞笑 於 20/09/2013 發表 收藏文章
近日,响德丙聯賽第9輪嘅一場比賽中,萊比錫紅牛隊主場迎戰斯圖加特業餘隊,原本平淡無奇嘅比賽,卻出現足球壇罕見嘅驚人一幕!

當時萊比錫紅牛有多達8名球員企响中圈附近開球,就好似玩欖球咁,對手都唔知佢地想點,後來當球証吹響開場哨之後,萊比錫紅牛隊回傳俾後衛;與此同時,中圈嘅所有球員就向著對方龍門衝過去,响電光火石之間,後衛就將個波大腳踢到對方球門。

之後紅牛隊一名身材高大嘅球員搶到第一落點,頭槌後傳,而斯圖加特業餘隊後衛解圍踢空,萊比錫紅牛隊早已埋伏嘅球員將個波傳中,中路包抄嘅隊友最後頭球破門,1-0!整個過程一氣呵成,更恐怖嘅是,呢個時候距離裁判吹響開場哨僅僅10秒時間!

呢球真係厲害,足以載入世界足球史冊嘅經典入波。


後備影片:

如果喜歡我們的文章,請即分享到︰

標籤: 足球  欖球  

留言


請按此登錄後留言。未成為會員? 立即註冊
    快捷鍵:←
    快捷鍵:→