好歌盡在環球 - 《酷愛》張敬軒

「降兩度」張敬軒演唱會銷情理想, 日前加開兩場既門票火速售罄。軒仔唱功無庸置疑, 翻唱女歌手既歌曲係有一手, 預料演唱會將會翻唱唔少歌曲, 特別係《Pink Dahlia II》既作品。但個人覺得軒仔應該作出平衡, 唔好俾翻唱歌蓋過風頭, 應該應歌迷要求, 現場演繹以往少唱既歌曲 (Sidetrack、少唱的主打歌)。而提到Sidetrack, 相信唔少人對軒仔環球時代出既廣東大碟《酷愛》情有獨鍾, 一來專輯為佢奠下晉身一線歌手既基礎, 二來專輯收錄左唔少sidetrack, 如《男孩最痛》、《悲劇人物》等等。希望藉住今次機會, 可以同大家分享專輯既製作點滴:

資料來源: 互聯網相片

《酷愛》推出自今已過十年, 唔少人都認為軒仔最好既歌盡在環球。《酷愛》呢首歌為軒仔贏得唔少獎項, 什至成為年度最佳歌曲; 而唔少人認為專輯《酷愛》之所以大賣, 全因主打歌既成功。但其實仲有其他因素值得留意, 譬如其他選曲要有相當質素, 先match up到quality; 製作人既心血, 選用真既音樂人、樂手、弦樂、錄音器材等等嚟造歌。
專輯既製作人主要係C.Y. Kong同Alvin Leong, 製作初期揀左啲相對易hit既情歌; 而軒仔鍾情於R&B, 所以亦揀選左有現代、城市感覺既R&B (如酷愛)。軒仔更搵左幾首demo, 部份來自音樂人常石磊, 以及一首cover既國語歌。

資料來源: 互聯網相片

追風箏的孩子

原曲為《啄木鳥》, 由新加坡組合 - 兩個女生(Tu-‘Gels) 演繹。重新編曲後由軒仔演繹。

Demo

成品

迷失表參道

軒仔帶來既demo, 由常石磊作曲。監製Alvin Leong好鍾意呢首, 為demo諗左歌名《Hurt》。編曲由C.Y. Kong負責, 採用似係幫王菲、哥哥張國榮造歌既風格。唔少人話軒仔唱得似黃耀明, 但對Alvin Leong嚟講, 呢首係佢最鍾意既成品(有王菲風格)。


感情用事

向Danny陳百強致敬既選曲。歌曲最初寫自2002年既倫敦, 作曲人C.Y. Kong收睇唔少電視戲劇得嚟既創作靈感。初頭有一位女歌手要歌 (AMusic既女新人), 奈何唔達演繹要求; 楊千嬅亦hold過首歌, 但因為轉公司既問題無用到首歌, 最終首歌歸於軒仔。
為左營造似Danny既feel, 除左軒仔唱腔既變化、編曲上落左唔少功夫, 林若寧填既詞亦修改左唔少次。例如簡單直接既表達方式, 唔需要用太多既修辭手法。

Demo

成品

男孩最痛

同Danny陳百強有關既選曲。C.Y Kong喺云云demo裡面揀左呢首, 原demo似Danny風格既歌, 或者同期好似係林珊珊、何嘉麗唱既歌。Demo原本由其他唱片公司hold住, 但經C.Y. Kong既爭取, 最終首歌歸於軒仔。Demo最初只係簡單鋼琴伴奏, 而成品既編曲就豐富左唔少, 例如加左輕電子beatbox、鼓聲、結他等等。

Demo

成品

悔過詩

由「豹哥」單立文作曲, 有邊個估到佢寫到一首中國小調曲風既作品?

Demo

成品

遙吻

由常石磊作曲既作品, 另一首由軒仔cover既選曲。




參考內容:
http://www.cykong.com/Projects/projects2007.htm

呢排開設既facebook page「你有你講 我有我講 不如講下香港樂壇呢」, 請多多支持!

https://www.facebook.com/localmusic927/
標籤: 張敬軒  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→