回歸原本 感受demo的簡單 (二)

早前就分享左一啲大熱作既demo, 希望令聽眾回歸最基本, 重新將焦點放喺旋律方面。

引用回歸原本 感受Demo的簡單 (一)
http://s.fanpiece.com/O2mEJLW

而近年, 好多唱片公司以至歌手, 都會將demo推出市場。無論串流軟件平台什至實體唱碟市場, 間中都會有所收錄。近幾年既情況相對普遍, 歌手喺網上推出既單曲, 有時包埋demo、純伴奏音樂; 而部份EP以至廣東大碟, 都會見到demo既蹤影。可以見到行業對歌曲樣板既重視, 希望demo俾到聽眾唔同層次既感受; 但同時, 行業既衰落或者係不爭既事實。試換個角度諗, 一隻碟既歌單要用demo 先湊夠數(或者一首歌既唔同版本, 如acoustic version, remix version等), 唱片公司以至歌手既資源幾多, 相信大家會有答案。

希望以下呢首歌既創作點滴, 俾大家重新感覺demo既簡單, 進入音樂人既內心世界。


浮誇 陳奕迅 (Demo)
https://www.youtube.com/watch?v=PnmLhuBAmmM

浮誇 陳奕迅 (出街版)
https://www.youtube.com/watch?v=R-suYywPrWw

作曲: C.Y. Kong
填詞: 黃偉文
編曲: C.Y. Kong in London
監製: Alvin Leong

C.Y. Kong作曲既作品, 感覺虛幻, 配樂、音調有別於傳統既選曲。當中歌詞「那年十八 母校舞會 站著如嘍囉」為不少人所認識。成首歌大致講到, 對一啲自信心欠奉既人而言, 做自己擅長、有興趣既事唔難, 但其他既事情判斷上就無信心, 或者要做一啲誇張既事 (可能動作、行為), 先引起別人既注意。

但對作曲人C.Y. Kong而言, 出街版本同最初既創作靈感明顯有別。作品係向哥哥張國榮致敬, Demo寫於2003年4月1日晚, 正正係哥哥去世既一日。歌曲名稱為「Depression」, 似鬼哭泣既虛幻曲風, 係想寫點解一啲人要自殺? 當你見到逝去既亡魂, 就想問點解佢地要離開? 其實你又知唔知喺呢個世上, 有好多人關心你?

Eason早喺2004年初, 已經挑選左呢首作品。題材上, 唱片公司以至其他製作人 (如監製Alvin Leung) 明顯唔想提到自殺、抑鬱既內容; 而Wyman既填詞, 同C.Y. Kong既初衷完全有別。但佢覺得, 只要Eason演繹好呢首作品, 就經已唔錯。而香港樂壇, 正正需要更多元化既歌曲, 特別係編曲、製作以至選曲方面。


資料來源: http://www.cykong.com/Projects/projects2005.htm

呢排開設既facebook page「你有你講 我有我講 不如講下香港樂壇呢」, 請多多支持!

https://www.facebook.com/localmusic927/
標籤: 香港樂壇  

留言


請按此登錄後留言。未成為會員? 立即註冊
    快捷鍵:←
    快捷鍵:→