「分享一首歌」:《約誓》沈震軒

前排喺社交媒體分享既感受:

聽到入心入肺既苦情歌
眼見心儀既佢
即將開展新戀情
什至同另一半約定終生
會唔會真係可以咁偉大
咁大方去祝福人地?
抽離談何容易
要經歷過、感受過
至知箇中辛酸


資料來源: Youtube


「望著別人幸福之時 我更覺心酸」,聽完痛到入心入肺。


「當晚已看到很化 我在祝福你找到了是嘛」,雖然你地未confirm關係,但當晚睇到你地兩個咁夾,一舉手一投足咁有默契,我至知無論點樣都拉近唔到同你既關係。佢俾到你既野,個種新鮮感、刺激感、幽默感,就算我點練,相信唔會照板煮碗學到。


呢排自己喺社交平台間唔中放負,原因好簡單,只係為左一個人。好耐未試過咁在意一個人,兩年前因為放唔低前度,夜晚輾轉反側,失眠過唔少次。呢排失眠,好大程度上都係因為你。感覺從來唔講大話,原本想當你係普通朋友,識多個fd吹水傾心事無壞,但唔知點解慢慢對你有一種感覺,話好鍾意又唔算,真心係有好感既。有時你對我冷淡,我會諗除左公事上既壓力,係咪就係因為佢,I mean同你曖昧緊果個。當晚你親口承認如果佢approach你,你會考慮一下。果一刻我先知,一直以黎既擔心、猜度係無錯既,至少我既直覺又唔差得晒。我真係好想當番你係普通同事/朋友咁看待,至少喺office見到你 (特別係你同果個close個陣),自己唔會尷尬。呢幾個月,我成日同自己講,好想抽離對你既情感,開初係ok既,但自己越踩越深,喺度胡思亂想,到最尾咩行動都無做到。


「但願亦能學識堅持去替你開心 自願地能認識一下 要與你愉快說話 高興吧 仍在說合襯吧 夠嗎」,其實自己講緊假話,話咩叫你「試下/去馬/比啲信心自己/你得既」諸如此類既說話,其實係自己好想刻意收埋情感,唔想喺你面前express出黎。我真係唔可以偉大到咁祝福你地兩個,希望時間會沖淡一切,至少比機會自己做番自己,唔會再因為你而成日諗。


講完,聽日繼續重新上路。


MV版:
https://www.youtube.com/watch?v=ve2bjxH_tQQ

歌詞版:
https://www.youtube.com/watch?v=ORfJncnZDtQ
Live版:
https://www.youtube.com/watch?v=_44uPK_SgeI


作曲:覃嘉健
填詞:覃嘉健
編曲:覃嘉健
監製:覃嘉健 / 嚴曉蕾

望著別人幸福之時 我更覺心酸
慢慢熱情地走過來 看到你淚快落下
親吻吧 仍為你高興嗎 對嗎
當晚已看到很化 我在祝福你找到了是嘛

如果可相信那天約誓 在這天已變成你的婚禮
共你在會面 你看著我像未曾放得低
幸福嘛 燒光所有代價 為她我會付上天價

但願亦能學識堅持 去替你開心
自願地能認識一下 要與你愉快說話
高興吧 仍在說合襯吧 夠嗎
知道你也會驚訝 散席後突然在漫罵廢話

如果可相信那天約誓 在這天已變成你的婚禮
若你未道別 我會共你在未來看婚紗
幸福嘛 花光所有代價 為她我會付上天價

誰都知當晚我的約誓 在痛哭我變成你的羞愧
論我沒地位 也要做腳下爛泥鈣化你的盟誓
像一切 輸光不再浪費 人失去了才更矜貴
誰想再挽留這污穢


呢排開設既facebook page「你有你講 我有我講 不如講下香港樂壇呢」, 請多多支持!

https://www.facebook.com/localmusic927/


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→