令你回憶湧現既電影插曲, 你又記得邊首? 精選

好多時, 電影歌曲既創作係為左配合電影情節而寫, 無論係主題曲、插曲同背景音樂。有時候真係不得不佩服造電影音樂既創作人, 電影種類既範圍多元, 例如動作、策略、情愛等範疇, 有別於普通既流行曲, 要寫都需要一定既音樂造詣。但始終, 一般情情塔塔既抒情歌只要配合電影環節, 簡單既音樂就可以觸動人心。千禧年後的電影插曲, 你又記得邊一首?

狠心愛我
https://www.youtube.com/watch?v=87TJxYYdB0M

電影《絕世好賓》既插曲, 講述富家小姐 Jennifer (梁詠琪飾) 自細嬌生慣養, 其父方國立 (周驄飾) 為了令Jennifer獨立, 請左陳志傑 (劉青雲飾) 假扮賓賓, 希望幫到佢通過重重考驗。
簡簡單單既曲風, 配合劇情既歌詞, 已經足以成為唔少人既回憶。

很感激你為我好
狠心推我學跌倒 人才能走路
如果 一生也被當寶
安穩卻未看到 事實我不好
為我好 必先要別離讓我明白到
誰人能於溫室快樂去蒼老
留給我眼淚回報 明日成就便更高
回來我身邊
https://www.youtube.com/watch?v=Usy213XVrnY

電影《我左眼見到鬼》既插曲, 講述何麗珠 (鄭秀文飾) 一次旅遊邂逅男子Daniel, 相識七日就閃電結婚, 點知未番香港就意外遇溺身亡。之後何麗珠精神空虛、意志消沉, 遇上意外後左眼開始見到鬼, 仲見番小學同學王勁威 (劉青雲飾) 既鬼魂。何麗珠只望見番死去既老公, 但未能如願。經過一輪既情節, 佢先知原來身邊既王勁威, 就係一直想見既老公。由「夕陽」包辦的插曲, 典型既古典流行曲風, 配合劇情, 真係好一首既催淚歌曲。而分享既版本係電影原聲CD版, 個人覺得呢個版本真係最好, 流暢度、真摰既感覺, 喺其他版本搵唔到。

明知等不到 亦要等
還好有眼淚來陪襯
反正空虛 沒什麼想發生
難得開心過 讓我等
難得我越捱越振奮
可以等誰願意問 沒有真相才吸引
我勇敢 我膽怯 我不忿
回頭問背後誰著了燈

跳傘
https://www.youtube.com/watch?v=r0gaH1L_8lk

電影《嫁個有錢人》既插曲, 玻璃鞋、王子灰姑娘既故事, 喺現實上又係咪真係有? 劇情講到為了嫁個有錢人既阿mi (鄭秀文飾), 去左意大利展開旅情, 期間邂逅做車房既阿誕 (任賢齊飾)。點知因一餐飯無錢俾, 加上阿誕既不辭而別, 令阿mi極為失落。
由梁詠琪作曲既跳傘, 一曲一詞都match到情節, 失落感、空虛感, 似乎個個年代既歌曲, 先做到呢既效果。

我定要降落傘降落你心 雙腳能著地跟你永久擁吻
感覺才活著沒缺陷 才能得永生
要是這降落傘意外發生 使我流落洶湧海中心
必需等到你目光那份熱能 重獲體溫



其實仲有好多歌曲, 或者要你講到歌名, 首歌係屬於邊套戲, 你未必一時三刻講得出。但只要略略咁聽下, 好可能回憶點滴在心頭。

終身美麗 (《瘦身男女》主題曲)
https://www.youtube.com/watch?v=l2C84SEtifQ

喜歡憎你 (《百年好合》主題曲)https://www.youtube.com/watch?v=gLjV-SdZQtI

如果你有事 (《龍鳳鬥》主題曲)
https://www.youtube.com/watch?v=60bk8UVaRAE

愛上一個人
https://www.youtube.com/watch?v=Zy-b3LrmRew

感情線上
https://www.youtube.com/watch?v=he6Sk6kGzng