一手包辦晒無線既劇集歌 真係好咩? 精選 推薦

告別鄧智偉年代, 近五年TVB的劇集歌, 絕大多數都係出自張家誠既手筆。而呢位多產既作曲人, 究竟有咩代表作呢? 首先可以重溫一下近期熱播劇既作品:

溏心風暴三既主題曲 & 片尾曲
https://www.youtube.com/watch?v=iHnOkXNiIAs

https://www.youtube.com/watch?v=I0kgjKFF-YU

要成為TVB既御用作曲人, 至少作品出產既數目要多, 更重要既係, 要喺短時間內應付到唔同需要。

TVB平均每部劇得二十集, 即係差唔多隔一個月就要轉歌, 而且每套劇多數包埋主題曲、插曲什至片尾曲, 作曲人要喺有限既時間造歌, 相信有一定既難度。又因為劇集既播放時間有限, 喺選曲上就需要搵一啲記憶點夠, 容易增加傳唱度既歌 (可以理解為洗腦)。而張家誠就其實做到呢點, 接近年尾佢已經寫左接近40首歌, 當中包括降魔的、不會撒嬌的女人、溏心風暴等劇既熱播歌曲, 足以證明佢寫既歌符合大台既需要。
到此一遊
https://www.youtube.com/watch?v=tSHVPxO2tbo

忘記我自己
https://www.youtube.com/watch?v=-gkwJEkS4_M

手中沙
https://www.youtube.com/watch?v=NXDdg5xRwOA

愛需要勇氣
https://www.youtube.com/watch?v=egKKkeUI50g

但問題係, 單靠一個作曲人, 音樂既質素可唔可以有所保證呢?

有別於填詞人如林夕、黃偉文, 可能一個月可以寫到幾十份詞, 但作曲人有冇足夠既靈感喺短時間內寫歌, 絕對係一個疑問。就算寫到, 又可唔可以做到質量兼備先? 睇番張家誠既作品, 其實作品既風格都係偏向單一, 前奏以鋼琴、弦樂為主, 主歌以至副歌既鋪排分別不大, 音樂質素成疑。

另外, 多產既作曲人往往都有弊病, 就係抄歌或者參考既問題。已經有好幾次被人批評, 部份作品既曲風、旋律, 以至副歌都有抄襲之嫌。有人可能會話, 音樂來來去去都係幾個音, 咁岩撞左有咩出奇? 但作為一個創作人, 絕對有責任確保自己作品既原創性, 特別係同過往作品既相似度。作曲人Eric Kwok都提過, 自己既DEMO會俾人地聽下, 確保無相似既地方, 先再作修改。而且劇集喺唔同地方播放, 接觸面廣而闊, 絕對有需要揀一啲唔會引起人地誤會, 且具質素既劇歌。

到此一遊 & 夜曲
https://www.youtube.com/watch?v=tPiv_WmaBto

呢一pair又點睇?

不變的愛
https://www.youtube.com/watch?v=GSs0xo6jG-k

彩虹
https://www.youtube.com/watch?v=WxZvXPTBC0A

是你嗎
https://www.youtube.com/watch?v=vz-CddNwAzg

撈月亮的人
https://www.youtube.com/watch?v=iZbx8kJzQ4A

另外呢一pair, 無論beat, 以至成個flow, 都有相似既情況
https://www.youtube.com/watch?v=DEfcG_viIto

有人可能會話, 作曲人以往聽過唔少作品, 而旋律咁岩上腦, 所以部份相似既音調至會喺作品到反映出黎。但呢個唔應該被視作借口, 應盡量避免寫一啲, 容易令人引起誤會既旋律。但無可否認既係, 張家誠近幾年為無線寫左唔少大熱作, 無功都有勞; 但如果想提升整體既音樂質素, 無線應該多廣納人材, 邀請多啲製作人創作, 至唔會變成音樂單一既情況。