林鍾大戰前夕，林作帶同教練團隊「拜訪」鍾培生訓練場地險釀衝突 精選

萬眾期待林作同鍾培生之拳賽，兩個有錢仔口水戰多月早已令到花生缺貨，兩個都有誇下海口要點樣點樣打嬴對方，林作就話要頭一個回合兩分鐘內打嬴鍾培生作為對方連拳賽門票都無比佢既回應，而鍾培生亦都不甘示弱，早前係林作熱身拳賽中揚言會於指定時間內 KO 林作及佢場上既對手加埋林作教練，氣勢如虹。
▼ 林作就話要頭一個回合兩分鐘內打嬴鍾培生作為對方連拳賽門票都無比佢既回應！


而鍾培生一番言論懷疑引起對方不滿，日前林作帶同佢既團隊包括教練去到鍾培生所在場地作出「拜訪」，雙方經過一番口水戰後幸好沒有引發「熱身賽」，林作教練表示對鍾培生言論感到冒犯，表達唔能夠睇邊個唔順眼就想打邊個，而鍾培生在友人身後顯得沉默，及指出林作教練係「Nobody」唔會同佢有比賽。

而此衝突成功吸引網民眼球，為九月拳賽抄熱氣氛，除左係隧道有拳賽宣傳吸引到唔同年齡層既觀眾之外，係「大台」更有頻繁既廣告一播再播，宣傳功夫十足。呢對「有錢仔」早前更應邀出席香港網上直播平台17既辯論大賽，相傳賽事由林作作出要求。貴為律師出身於哈佛大學卻係一輪又一輪既環節落後，鍾培生發揮出過人既辯論技巧，面對林作及佢女友既夾擊都係單人上陣，經過大公無私全香港最知名既直播平台之一既17商議後，判定鍾培生獲勝，相信結果與鍾生近日於17平台課金七位數無關。
▼ 拳賽响紅隧有大 Banner 宣傳。