韓國娛圈最印象深刻的「小三」

韓娛樂家 於 31/08/2018 發表 收藏文章
最毒都係婦人心!最近睇到唔少劇集都拍外遇題材,的確呢D題材發揮空間好大,
不過有時候現實發生嘅分分鐘仲爆過電影橋段!

韓國係個保守嘅國家,所以呢個話題特別敏感,如果係發生響藝人身上就更加大迴響.
當中李智雅和金敏喜可以話係「名留青史」呀.
其實李智雅唔係小三,但佢令到男神鄭雨盛慘變小三呢下先高招嘛!
演藝生涯唔算特別標青嘅佢早年被爆虛報年齡,仲謊稱單身長達14年!
而佢嘅老公,就係國民歌手徐太志!!!!
其實隱瞞結婚都情有可原,但佢偏偏被影到搞緊離婚官司期間同男神鄭雨盛拍拖,最後佢同鄭雨盛都係決定分手,而同徐太志都繼續處理離婚訴訟,李智雅因為呢件事令佢形象嚴重受損,演藝事業被逼暫停,到呢兩年先漸漸投入拍攝,不過已經大不如前(雖然本來都唔係好紅).

另一位就真係名副其實嘅小三啦.
金敏喜直情被冠上「不倫女」稱號,佢拍完電影《獨自一人在夜晚的海邊》之後就公開承認同導演洪尚秀相戀,重點係導演同佢差22年,仲要有老婆同個讀緊大學嘅女!
兩人感情其實好早已經開始,因為咁導演更加拋妻棄女離家出走,作為上位女大明星,所有人都唔明白點解金敏喜要咁做,仲要做小三做得咁坦蕩蕩,懶理被全世界唾罵,被公司解約?
加上佢之前D男朋友分別有李政宰/李秀赫/趙寅成,食開男神嘅佢唔通厭倦高顏值想試其它?
anywayz,睇完呢兩位女星嘅感情事,可以得出嘅結論就係女人心海底針.偷食可恥,大條道理更加不要得!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→