ViuTV 曾鈺成、長毛去旅行；網民：好Gay！根本跟住HEHE 去旅行！ 精選 推薦

4月6號ViuTV 開台，重點節目之一《跟住矛盾去旅行》第一集，一眾觀眾、網民「捱」完頭半粒鐘預告（無得開電視嘅仲要捱埋官網「淪陷」或手機app blue screen），終於見到曾鈺成主席、長毛嚟料。雖然有部分觀眾指頂唔順個節奏太慢，播咗半粒鐘先去到機場，仲要未起到飛，但亦有唔少觀眾覺得曾主席同長毛依段「前戲」充滿基情，好好睇，尤其是曾主席啲曖昧笑容同托頭姿勢：

仲有高登巴打整埋gif：

2個都口裏說不？

以為觀眾網民睇得hehe、BL太多睇上腦？？預告都係咁暗示喎！

今日 ViuTV「界」到TVB 幾多收視真係唔知，淨係知鍾意睇嘅似乎唔夠喉，仲話下一集要等第星期一二太吊癮。其實除咗電視節目有好多種，有睇香港以外劇集／節目的都知道，電視時間表亦唔止一種，唔係下下兒童節目接新聞、3線劇。鹹魚青菜，各有所愛，有得揀好過無得揀。