今日有坤哥深水埗炒車，早幾日就有羅鈞滿手車出事。2013及2014年經已有違例駕駛前科、自稱會「重新做人」的羅鈞滿最近又在太子道東油站附近衰醉駕，被警方要求協助調查。此事還驚動日漸失勢的樂小姐，雖然羅鈞滿一如以往出聲明say sorry，但樂小姐就話對佢屢犯不改好失望，「要約返公司傾傾」。
除咗醉駕，羅鈞滿2011年因《點解阿Sir係阿Sir》囂屎、倉底劇《天與地》年青版鼓佬（林保怡）、煩膠劇《護花危情》巴打 3個角色「成名」以來（雖然有網民表示只識「斌仔」羅君左而不識羅鈞滿），真係醜聞特別多：
台慶中大獎失言
（tvb.com 圖片）
羅鈞滿2007年還與另一後來加入TVB的藝員林穎彤有份演過有線劇集《補習天后》，2009年先入TVB藝訓班。但2010年台慶就抽到大獎20萬免找數簽賬額，應該係入無綫最短時間抽到大獎的藝員。當時一身「頹Look」打扮被曾志偉問得獎感受，夠膽死當住一眾高層及同事面前話「無諗住嚟」。
多次違例駕駛
曾在2012年3月至2013年11月期間多次違反交通條例，被扣滿15分。2013年4月被票控違例泊車，因不認罪案件延至同年11月判決，但判案前再於紅磡不小心駕駛導致3車連環相撞，最終因其中一個司機口供有問題而罪名不成立。
「7線當3線」
2013年同台新聞主播張文采疑因與同事黃紫盈爭權，爆出黃紫盈幕前眼紅流淚一事。羅鈞滿微博出聲力撐女友張文采，以自嘲「三線藝人」証女友人格。不過當時星途暗淡（而家都係）的羅鈞滿慘被網民恥笑佢明明7線扮3線。
《星夢傳奇》亂改歌
2013年《星夢傳奇》羅鈞滿表現平平卻屢獲高分，已被觀眾質疑造馬力捧。加上唱《木紋》一句「分開簡單」的胡亂改動被指難聽，以及臨尾走音，令網民不斷翻 loop 恥笑。
電視牌照風波被指擦鞋、腦殘，變負皮王
2013年10月「維基台」發牌風波，羅鈞滿Facebook 一句「作為電視業一員，當然希望電視業百花齊放。但請王維基先生勿將自己商業失敗跟社會公義拉上關係」惹來 Fans、網民、部分同業群插擦鞋護主，包括未有過檔港視的前有線同事潘杰寧；又指自己係顧及「同期訓練班的同學仔、昔日的隊友」而發聲，不過無人領情，例如曾過檔的姜文杰就立即微博取消對其關注，又被政治生涯與演藝生涯一樣咁暗淡的前藝員袁彌明FB插「腦殘」；更引申到網絡潮文《做人別太羅鈞滿》。
羅鈞滿及後雖然一度「笠水」指自己只係「抒發感情」，但面對群插心心不忿，於微博出文力撐。結果被高登仔指死不悔改，成為負皮王。而羅鈞滿亦未有收斂，在FB呼籲網民「日日熄電視」，恥笑網民的熄機行動可恥。
被星夢幫「撇低」賣廣告
2014年惠康賀年廣告連「星夢幫」［星夢傳奇，唔係吳弱鷄、刀削面個星夢（娛樂）幫］鄭俊弘、鄭世豪、陳明恩及姚兵都有得賣廣告，反而知名度及拍劇資歷並非最差的羅鈞滿疑似被飛出。鬼咩，多數衰醉駕及口多，搞到太知名。
韓國偷食、影裙底得罪大佬撲水求救、甩拖割蓆
2015年2月，羅鈞滿疑似瞞正印張文采飛韓國溝空姐之餘，亦因飲大兩杯撩江湖大佬女友而被屈錢，否則上差館告佢影人裙底。想賠錢息事寧人但打返香港朋友又唔夠照，結果驚動高層「珊姐」搵律師幫手，不過最終都扣留咗2個月先出到境。
（蘋果日報圖片）
事後除咗疑似小三空姐Sylvia 唔認同遊韓國之餘，合作完《點解阿Sir係阿Sir》再在《護花危情》做「觀音娘娘」的樂瞳，曾指「同佢已經好熟好熟」，不過此事後就指大家只係Hi Bye 同事。而曾經在負評如潮都不離不棄的女友張文采更在FB 斬纜4年情，自認太蠢。
台慶做一句對白庭警2015年台慶，羅鈞滿僅在Do姐、阿姐、農夫的趣劇中做庭警，只有一句對白。反而另一負皮王梁烈唯就可以在開場與「後庭鏗」等一眾力捧藝人chok 爆載歌載舞，被網民笑指做負評王都做得暗淡過人。雖然同場的吳家樂同佢角色一樣，對白又得一句，但人哋老婆係邊位至得架。
樂小姐今次就講得啱：「公司畀咗好多次機會佢」（無論係指多次醉駕定工作上力捧）。唔講戲外形象，其實羅鈞滿在《點解阿Sir係阿Sir》做反叛學生、《廉政行動2014》做打假波球員、或者之前「愛情食乜鏈」做唯利是圖、呃完王卓淇再呃「霞姐」的會計師，做奸仔表現都算OK，演技未至於好但至少有多少天賦，行出嚟蠱蠱惑惑成個反派格都叫做夠乞人憎。連李佳芯都可吹到變奸后，羅鈞滿擦鞋咁耍家，如果唔係衰咁多瓣，應該攞幾次視帝馬明都仲灰緊，或者至少每年尾「10大勁歌」都有得上榜。
除咗醉駕，羅鈞滿2011年因《點解阿Sir係阿Sir》囂屎、倉底劇《天與地》年青版鼓佬（林保怡）、煩膠劇《護花危情》巴打 3個角色「成名」以來（雖然有網民表示只識「斌仔」羅君左而不識羅鈞滿），真係醜聞特別多：
台慶中大獎失言
（tvb.com 圖片）
羅鈞滿2007年還與另一後來加入TVB的藝員林穎彤有份演過有線劇集《補習天后》，2009年先入TVB藝訓班。但2010年台慶就抽到大獎20萬免找數簽賬額，應該係入無綫最短時間抽到大獎的藝員。當時一身「頹Look」打扮被曾志偉問得獎感受，夠膽死當住一眾高層及同事面前話「無諗住嚟」。
多次違例駕駛
曾在2012年3月至2013年11月期間多次違反交通條例，被扣滿15分。2013年4月被票控違例泊車，因不認罪案件延至同年11月判決，但判案前再於紅磡不小心駕駛導致3車連環相撞，最終因其中一個司機口供有問題而罪名不成立。
「7線當3線」
2013年同台新聞主播張文采疑因與同事黃紫盈爭權，爆出黃紫盈幕前眼紅流淚一事。羅鈞滿微博出聲力撐女友張文采，以自嘲「三線藝人」証女友人格。不過當時星途暗淡（而家都係）的羅鈞滿慘被網民恥笑佢明明7線扮3線。
《星夢傳奇》亂改歌
2013年《星夢傳奇》羅鈞滿表現平平卻屢獲高分，已被觀眾質疑造馬力捧。加上唱《木紋》一句「分開簡單」的胡亂改動被指難聽，以及臨尾走音，令網民不斷翻 loop 恥笑。
電視牌照風波被指擦鞋、腦殘，變負皮王
2013年10月「維基台」發牌風波，羅鈞滿Facebook 一句「作為電視業一員，當然希望電視業百花齊放。但請王維基先生勿將自己商業失敗跟社會公義拉上關係」惹來 Fans、網民、部分同業群插擦鞋護主，包括未有過檔港視的前有線同事潘杰寧；又指自己係顧及「同期訓練班的同學仔、昔日的隊友」而發聲，不過無人領情，例如曾過檔的姜文杰就立即微博取消對其關注，又被政治生涯與演藝生涯一樣咁暗淡的前藝員袁彌明FB插「腦殘」；更引申到網絡潮文《做人別太羅鈞滿》。
羅鈞滿及後雖然一度「笠水」指自己只係「抒發感情」，但面對群插心心不忿，於微博出文力撐。結果被高登仔指死不悔改，成為負皮王。而羅鈞滿亦未有收斂，在FB呼籲網民「日日熄電視」，恥笑網民的熄機行動可恥。
被星夢幫「撇低」賣廣告
2014年惠康賀年廣告連「星夢幫」［星夢傳奇，唔係吳弱鷄、刀削面個星夢（娛樂）幫］鄭俊弘、鄭世豪、陳明恩及姚兵都有得賣廣告，反而知名度及拍劇資歷並非最差的羅鈞滿疑似被飛出。鬼咩，多數衰醉駕及口多，搞到太知名。
韓國偷食、影裙底得罪大佬撲水求救、甩拖割蓆
2015年2月，羅鈞滿疑似瞞正印張文采飛韓國溝空姐之餘，亦因飲大兩杯撩江湖大佬女友而被屈錢，否則上差館告佢影人裙底。想賠錢息事寧人但打返香港朋友又唔夠照，結果驚動高層「珊姐」搵律師幫手，不過最終都扣留咗2個月先出到境。
（蘋果日報圖片）
事後除咗疑似小三空姐Sylvia 唔認同遊韓國之餘，合作完《點解阿Sir係阿Sir》再在《護花危情》做「觀音娘娘」的樂瞳，曾指「同佢已經好熟好熟」，不過此事後就指大家只係Hi Bye 同事。而曾經在負評如潮都不離不棄的女友張文采更在FB 斬纜4年情，自認太蠢。
台慶做一句對白庭警2015年台慶，羅鈞滿僅在Do姐、阿姐、農夫的趣劇中做庭警，只有一句對白。反而另一負皮王梁烈唯就可以在開場與「後庭鏗」等一眾力捧藝人chok 爆載歌載舞，被網民笑指做負評王都做得暗淡過人。雖然同場的吳家樂同佢角色一樣，對白又得一句，但人哋老婆係邊位至得架。
樂小姐今次就講得啱：「公司畀咗好多次機會佢」（無論係指多次醉駕定工作上力捧）。唔講戲外形象，其實羅鈞滿在《點解阿Sir係阿Sir》做反叛學生、《廉政行動2014》做打假波球員、或者之前「愛情食乜鏈」做唯利是圖、呃完王卓淇再呃「霞姐」的會計師，做奸仔表現都算OK，演技未至於好但至少有多少天賦，行出嚟蠱蠱惑惑成個反派格都叫做夠乞人憎。連李佳芯都可吹到變奸后，羅鈞滿擦鞋咁耍家，如果唔係衰咁多瓣，應該攞幾次視帝馬明都仲灰緊，或者至少每年尾「10大勁歌」都有得上榜。
請按此登錄後留言。未成為會員? 立即註冊