TVB《男人食堂》第2集已經乾塘？ 精選 推薦

本欄上星期已批過，《男人食堂》將會步近年其他節目後塵，第1集係威係勢，之後就現形（TVB新節目《男人食堂》sell 意淫？），昨晚播出的第2集似乎亦有此趨勢。根據第1集所得，所謂男人食堂似乎就係請嘉賓上節目「食」陳婉衡，即例如上集在肢體和語言上抽佢水。今集的繼續叫陳婉衡烏低身躹躬、扮跌嘢叫佢執：
「新嘢」就是黐一張男人食堂的招聘傳單在心口，然後Benz指她「撐得起男人食堂」：上次講過《男人食堂》只係《夜消磨》撈《今晚睇李》，結果今次金剛的台灣「壞」（外）景玩台灣遍地都係的養生館，除了例牌有低胸女郎，今次試玩按摸前列腺養生。問題係節目想 sell 意淫，但又玩不到《破事兒》陳奕迅講吳敏倫醫生那種gag，結果變咗金剛同唯萎代替旦哥同醫生問大家「射得健康嗎」：
上集主題講偷食，嘉賓都或者有得講下，但今集主題請高Ling、荷蘭叻講「娛圈荒淫嗎？」，結果當然無料爆。加上幾位主持、嘉賓的口才，玩接龍又無急才，悶到自己都頂唔順：
hardsell 《公公出宮》而搵曹永廉、陳國邦2個（至少表面上）正經男人講這個話題，格格不入：
唯萎：「Alycia，攞對波出嚟！」「對波收埋喺金剛度呀！」聽到陳國邦掩面搖頭嘆息：

最後一part 玩硬膠遊戲，上一集Benz雄隔膠片嘴陳婉衡雖然貌似小兒科，但就完全feel到一股擺明搏懞抽水的淫氣。今集就有叻哥「射靚女（陳婉衡）雙腿下面的方位」，對白懶踩界但又翹口杉手：

講真這個懶踩界節目，明顯都係想借機捧下人；不過農夫唱歌宣傳Talk Show搞到成個《勁歌金曲》咁；但問題係受力捧中的，不是有形象包袱而錫身的例如一眾港姐，就是牌面趕客，例如星夢幫。所以相信之後幾集只會繼續以3幾句吃陳婉衡豆腐的對白同肯露的台灣妹去扮意淫，其餘時間就悶到要熄機。