TVB新節目《男人食堂》sell 意淫?

娛樂之王 於 22/02/2016 發表 收藏文章
TVB新節目《男人食堂》,之前Promo 只見扮晒《深夜食堂》,叫許紹雄、金剛、梁烈唯講男人經,但昨晚(2月21日)播出前一刻提醒有成人內容。除了有「翻版Julia」陳婉衡逼爆兼露事業線,又被許紹雄嘴10秒(《男人食堂》迫爆陳婉衡被金剛、Benz雄輪住「食」?)之外,還有這些「成人內容」:

懶鹹濕過氣食字 Gag
在間場位會播「短劇」,其中一個就是肥媽契仔6號和是非精梁嘉琪合演的一場有關「打飛機」的誤會:

台灣瑜伽女神房妍
除了廠景,原名李信樵的台灣仔金剛亦回鄉拍「壞景」,請前年在桃園棒球隊Lamigo 開球禮成名的19吋腰G奶瑜伽女神房妍示範招式:

「踩界」對白
1. 眾人討論到男人好壞並非只由去滾與否介定,江美儀說如果一個男人不擔起頭家,還精神虐待女人…唯萎插嘴開始加入:
江美儀一句「日砌夜砌」惹得金剛和陳婉衡尷尬笑:

2. 眾人討論到去滾如果是同性戀,另一半會無咁嬲,江美儀亦話想試,Benz雄即時叫她吃豆腐:

3, 金剛稱自己初來港以為自己好吃香,豈料柄埋喺房打機:

4. 陳康健尾段亂入唱歌扮「見工」,Benz雄就讚好,因為可以娛「賓」:


第1集這個陣容,又加埋張兆輝、阮兆祥就可以順便宣傳新劇《性在有情》,話題都啱埋。至於踩界與否就兩睇,因為對照大家平日真係鹹濕、賤格的用詞和話題,或者比起其他地區真的可以讓觀眾「夜簫磨」的節目,絕對唔夠喉。就算你話電視尺度,比起當年黃霑、倪匡、蔡瀾亞視做《今夜不設防》邊飲酒邊食煙邊問女明星八卦講男女情慾,都係蚊比同牛比。咁當然,淨係粗口都已經可以作為電影甚至分獎禮賣點而個個like,《男人食堂》的程度,被家長、甚麼團體投訴都十分正路。
另外,話之你粗唔粗鹹唔鹹,講到尾都係要好睇,老實講就麻麻。心水清的觀眾網民就話,《男人食堂》只是《夜消磨》撈《今晚睇李》:食嘢、吹水、玩無聊遊戲、請奀星唱歌(吳若希之後幾集先出場,但陳康健都要逼大家聽改編而唔好笑版的《眼淚的秘密》)。而根據近年無綫綜藝,通常第1集已經是最有力,之後就出事,《Sunday好戲王》就是近期例子。所以第1集《男人食堂》都已經覺得悶的觀眾,好大機會之後可以轉台,不過J5可能都係咁上下。
標籤: 男人食堂  

留言


請按此登錄後留言。未成為會員? 立即註冊
    快捷鍵:←
    快捷鍵:→