跟「E神」同台好容易出事！中招的又何止楊丞琳呢？ 精選 推薦

昨晚（2015年11月21）台灣金馬獎，香港人關心，除了女神林嘉欣由紅地氊威到頒獎台，以及新演員白只憑《踏血尋梅》勇奪最佳男配角之外，另一焦點自然是陳奕迅與楊丞琳合唱翻唱又翻唱的金馬電影名曲，因為楊丞琳無論資歷還是唱功都令人質疑，果然不出所料，觀眾聽到同羅大佑一樣皺晒眉。其實同陳奕迅同台而出事的，楊丞琳並非第一個，仲有邊個？
昨晚2015 第52屆金馬獎 楊丞琳

2008 十大勁歌金曲頒獎典禮 黃宗澤
事後觀眾全角度笑你，但我覺得黃宗澤已經超水準。(4:05 開始)

第17屆金曲獎 孫燕姿
在張學友面前唱張學友《一路上有你》忘記歌詞，代旁邊的E神示範了「整句詞忘記了，都可繼續唱歌」。

2012 央視春晚 王菲
天后王菲也出事？其實小編覺得只是生疏了，而且以前唱得太好，個反差特別大。事後王菲微博笑稱「按市場價，懸賞2千萬，揪出危機公關團隊」，唱過《心經》果然與眾不同。
楊丞琳無需特別傷心，講真以其歌藝，預了是會出事，要怪就怪主辦單位。至於E神，偶像學友都係唱緊韓國改編歌（Park Jin Young首Honey改編成《頭髮亂了》），而自己就可以唱廣東歌《浮誇》唱到韓星都入晒神。嘩神級成咁，今次一事等於一眾上晒神枱的視帝影后耐唔耐都會拍返幾套膠戲膠劇，根本無影響，台上繼續攞獎《任我行》忘記歌詞，台下繼續人群是那麼像羊群，繼續成個樂壇都係你嘅。