TVB台慶新舊回顧，森美艷福無邊？ 精選 推薦

昨晚（11月19日）無綫48周年台慶，雖然近期無綫有Did Did姐加持，但一眾小生花旦的陣容唔多吸引，最阿姐級、星期日最靚聲那位尤甚，有理由相信大家都無睇，所以以下同大家略略回顧新舊台慶片段。
趣劇
台慶例行公事，而審案劇則是趣劇中的鐵膽，昨晚就有「Did Did姐」大戰農夫，但profesional 的Miss Mo早在1989年已經以「鄭九組」身份演出過此項目，當中萬子食住當年紅劇《他來自江湖》條水，用明天的口頭禪「甚麼？」出場，自然難逃被問與恬妞一段情：《超級八卦法庭》（1989）

除此之外，同一劇中有晚晚都唔多想睇李的孖寶，聯同修哥、Joe Junior，再度翻炒並惡搞8月謝老四掌摑曾江一事。