ViuTV 綜藝《衝三小》；網民：「到底睇咗啲乜？」、「9下9下唔知點解睇晒」 精選 推薦

阿水都知最近開台的 ViuTV 專做綜藝，基本上《跟住矛盾去旅行》排頭，《G1格鬥會》二度，《煮吧！換咗我阿媽》擺尾。但其實11、12點的綜藝一樣有捧場客，例如《晚吹》系列的《真PK》搵火火及「玩爆你個腎」的KB 玩核突整蠱，以及本文會講的《衝三小》。

咁《衝三小》到底講三小呢？其實只係三個主持每集去搵一嘢玩，中間影住佢哋吹水亂嗑。有唔少觀眾覺得3個主持幾好笑，成日做錯嘢。綜合網民意見，大致上就係「3條友都99地」、「好無聊／9下9下但唔知點解睇晒成集」、「到底我睇咗啲乜？」、「由頭笑到尾」。睇下佢哋有幾9：
第1集玩扎染﹐係咁亂嗑撩女：






提子駿又疑似講下鹹濕笑話「袋底顏色深啲正常架」（Jimmy染布袋），講完笑到自己都頂唔順：
點知真係俾佢哋搵到袋底深色啲嘅「藍染」（未知堅定流）：


「～玩個夾 (gap)、玩個大個gap～」：


昨晚播出第2集去露營，繼續9嗑之外，又玩下星爺對白，例如（噴「惹蚊水」）「啱先呢兩下都係」（《鹿鼎記》化骨綿掌）、「不如放喺朕嘅頭頂！」（《九品芝麻官》）：





鬥快煲滾水，Jimmy 9嗑話用排雲掌：

雖然「無聊」，但其實有正皮的原因，主要係觀眾話對比大台綜藝或旅遊節目多咗一份「親切感」。一來覺得3個主持輕鬆、唔造作；二來去的地方／活動亦比較「平民」，唔似大台咁去一啲一般人去唔到的地方／食唔到的餸，又無公式對白。正是「新穎」、「破格」之處。咁當然，唔鍾意的觀眾《衝三小》可能1分鐘都頂唔到；而大家睇晒 ViuTV 的節目就知其實都係中產味重，貼地極有限，不過叫做多少少選擇、而且暫時間表設計令觀眾仲有新鮮感咁解。

鍾意3個主持的觀眾網民，以下佢哋搵「艾粒」、音音姐、杜小喬等人的主題曲宣傳片，以及佢哋去年拍的「金甘蔗電影」影片《誰給我的黑啤》（有Yan Poon 客串），相信都係「9下9下」、「唔知睇咗乜但又睇晒」：