TVB 童星出道樂壇不止莊錠欣,還有「童年王」邱梓宏!

娛樂之王 於 26/02/2016 發表 收藏文章
除了日前宣佈加入韓國女團 CLC 的莊錠欣(《韓國女團 CLC 新成員 Elkie,就係TVB 《愛情食物鏈》學生妹、少年「萬二蚊」?!》),近期出道樂壇的「童星」還有經常演出某角色童年版而有「童年王」之稱的丘梓宏
《一屋兩家三姓人》做四少
《On Call 36小時 II》做童年魯振順(love kids 圖片)
其實都唔童,23歲,仲改名叫丘竣霆 Shelton 做樂壇新人,去年尾已經簽約亞洲星娛樂出埋歌:
去年亦參加過大陸歌唱節目《麥王爭霸》:

講得丘梓宏,當然要提埋細佬丘梓謙,現在TVB 繼續做演員,近作就有《東坡家事》的太監:

丘梓謙的太監角色未必太多戲分,近期最多戲份的TVB 童星必定是鄭耀軒,亦即《公公出宮》金家的乞人憎慈姑椗金多寶:

仍然活躍TVB的還有吳諾弘
(吳諾弘 Lawrence Facebook 圖片)
戲外是劍擊好手的吳諾弘,或因樣貌、表情關係多數做有多少反叛古蠱的青少年。上圖左2正是莊錠欣;而上圖右2是另一童星楊家盛,做過《天與地》、《戀愛季節》、《居家兵團》等多部電視劇:
《居家兵團》(love kids 圖片)
以下為幾位經典童星(只列部分):
王嘉明
《最佳拍檔》做「光頭仔」,與光頭神探麥嘉成為系列標誌之一。原來2002年簽黃百鳴做歌手,仲出過唱片《公告天下》,真係唔知。不過他與樂壇藕斷絲連,2007年7月與小室哲哉在港5位女徒弟之一的姚詠雯(YoYo)結婚。

鄭柏林
王嘉明有光頭,80年代尾90年代初拍港台節目《親親孩子天》、《柏林週記》成名的「小柏林」就有冬菇頭;長大後做慈母,結婚都要着埋制服;亦有多位娛圈大粒佬到場祝賀:

成展權
TVB 演出多之餘,重點是ETV教育電視鐵膽。

同丘氏兄弟一樣,要順手提埋成展權個妹成珈瑩,代表作唔使講,一定是《烈火雄心 II》王喜個女瑤瑤,當年hit過姚瑤唐詩詠;與大佬一樣早已淡出影視圈:

張國權
永遠的況復生,讀足20年小學2年班,人細鬼大得嚟唔乞人憎;前年5月已結婚。

張裕東
90年代兒童節目主持,當然要唱埋兒歌,《12隻恐龍去野餐》;現任TVB配音組,TVB 的都敏俊就係佢配:

丁力
《真情》阿福(蔣志光)同阿琴(蘇玉華)個仔樂樂:
《陀槍師姐》娥姐個仔家樂仔:

童星近年似乎愈來愈少,一來功課考試多,二來多曝光父母又被人投訴做星爸星媽消費個仔呃like,十分惡撈,所以多數印象中都炒散居多,長期keep 住有貨出的相信買少見少。

留言


請按此登錄後留言。未成為會員? 立即註冊
    快捷鍵:←
    快捷鍵:→