《EU超時任務》朱千雪細佬，究竟演緊傻仔定扮可愛定乜？ 精選

《EU超時任務》前晚首播，播咗2集，做女一朱千雪細佬的李晉強，暫時鏡頭唔算好多，但至少都係從影以來戲分最多一次。可惜唔少觀眾都唔識李晉強係邊位之餘，亦覺得佢扮傻仔／扮可愛的表情和聲線頗為趕客：

（mytv cap圖）

查實李晉強是2011年港男，「香港先生」及「最佳台型大獎」雙料冠軍：
無人識，無計啦，之前做的角色全部大茄，例如《張保仔》八貝勒，亦演過《飛虎 II》、《老表，你好嘢！》、《熟男有惑》等，在《四個女仔三個BAR》、《陪著你走》、《鐵馬戰車》更連角色名都無。
（飛虎II；最左為李晉強）
（李晉強 IG 圖片）
今次凌晨光一角，唔知「扮低B」元素對於角色／劇情往後發展重唔重要啦，可能李晉強自己或者導演見佢29歲但要做27歲朱千雪細佬，就夾硬加啲烚熟狗頭表情去成事。難得一個新人有個機會，但效果真係唔多討好。