《跟住矛盾去旅行》林日曦、蔣麗芸夠唔夠矛盾?

娛樂之王 於 03/05/2016 發表 收藏文章
《跟着矛盾去旅行》頭2 pair 似溫情、和解多過矛盾,到上一pair 葉蘊儀、連詩雅終於有啲火藥味(雖然都有觀眾話太假、交戲甚至仲衰過《三/四個小生去旅行》),昨晚(5月2日)又有政治人物出場,「元秋」蔣麗芸同100毛「腦細」林日曦去「公幹」。
(ViuTV節目cap圖)

今次觀眾、網民對2人的表現意見兩極,有唔少人以蔣元秋平日在議會的言行及所為根本不值得尊重,力撐林日曦對佢不瞅不睬,或者蔣元秋所謂「無禮貌」的「社會實驗」好合理,一向黑面的林日曦表現亦好真、唔似「元秋」咁做作;又呼籲港豬觀眾應該要轉台睇返CCTVB 。


但有人認為林日曦的「社會實驗」太小學鷄,呢個「節目效果」只係懶有性格懶新穎,因為節目暫時睇落唔夠矛盾唔夠火花咁話。而且節目選角明顯唔止想製造個人身份對立,而係2代/2類人之間的對立,所以林日曦態度、行為容易變成「影衰其他後生仔」。


林日曦、蔣麗芸夠唔夠矛盾今晚第2集可以再作觀察啦,但至少已經挑起咗不同觀眾之間、或者2位嘉賓與觀眾之間的矛盾。不過暫時意見一致的是覺得長毛旁白又OK,至少好過之前的周庭;以及翻譯Viola(節目中又名 OO)「幾正」。
最後補返林日曦的解畫:


(觀眾、網民意見來源:高登討論區、ViuTV Facebook page)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→