（新浪圖片）
（蘋果日報圖片）
昨日大陸真人騷節目《燃燒吧！卡路里》記者會，有份參與的朱孝天亦有出席。話晒都係偶像派的朱孝天其實都肥咗好耐，之前多次被傳媒問及肥胖問題都黑晒面。不過自稱變肥係因為父親過身而日日飲酒，都算情有可原。今次肯「拋個身出嚟做」相信與酬金及即將與大陸藝人韓雯雯結婚有關。
藝人身形經常成為傳媒話題，尤其是偶像派；香港亦有不少變肥歌手藝人：
謝安琪
今年頭「叱咤頒獎禮」一條裙谷爆上圍，惹來增磅兼大肚疑雲。不過「謝安肥」否認，但就坦承過去1年肥咗十幾磅。咁樣肥法，其實仲正。
陳松齡
（face 圖片）
自言肥到老公都唔認得。不過自稱因為搞胸圍生意由A Cup 變 F Cup，同Kay 一樣隨時仲正咗；雖然之前《Sunday好戲王》露面放風回巢，有網民話似黃淑儀、姚瑩瑩、鼠王芬。
（face 圖片）
（蘋果日報圖片）
（on.cc東網圖片）
商天娥
（忽然一周圖片）
（tvb.com 劇照）
出道早年任花旦，例如同黃日華拍《碧血劍》、而家半夜翻播的《鹿鼎記》做阿珂。愈撈愈肥，有名俾大家叫肥鵝。04年曾代言纖體公司La Bon 一度fit 爆，2個月130幾磅減到110幾磅。雖然減體重逐漸回升，但都算識玩，索性增肥拍《師奶股神》。拍完劇，加上2010年結婚，再度的起心肝減25磅重回130磅水位，夠晒啦。（蘋果日報圖片）
苟姑娘
（on.cc 東網圖片）
（TVB《戀戀沖繩》Cap 圖）
甫出道08年華姐冠軍係幾Fit，報稱115磅，但係苟姑娘得以起朵全靠靚樣及肉地。因被傳「攻城」緋聞壓力太大引發甲狀腺病變而暴肥，高峰曾經去到170磅，被稱為「肥苟」。後尾身形一度回落，但未必係好事，因為自爆源於抑鬱，仲差啲自殺。（蘋果日報圖片）
杜如風
不時被人插「肥腫難分世界級港女」，杜如風自言唔係靚女唔係賣樣；而且其實都唔係咁差：
早前幫 Panasonic 賣電飯煲，塊面肥咗成個碼。唔拘嘅，最緊要繼續風言風語我行我素，咁就知邊個先係「港女」。
湯鎮業
話晒曾經係當家小生之一，《香城浪子》官仔骨骨；《天龍八部》、《神鵰俠侶》做開大俠，高手的確係事必要靚仔有型，唔可以甩皮甩骨。（Astro 圖片）
90年代中轉戰大陸，無見一輪肥咗幾個碼。不過有幾多人可以食靚仔樣食一世？心廣體胖黐埋撇鬚，反而行出嚟確有多少「梟雄」嘅款同霸氣（雖然原形未必係咁嘅身形）。
（蘋果日報圖片）
歐陽震華
歐陽震華素來形象肥頭耷耳，雖然演技未至於標青，但《壹號皇庭》、《陀槍師姐》等好劇本助佢入屋，能夠成為無線福將真係集晒天時地利人和。80年代出道早期在《射鵰英雄傳》做大茄丁家頭，曾經好瘦。
魏駿傑
（1999 宣傳《反黑先鋒》泳褲look fit 爆；蘋果日報圖片）
雖然唔足以稱得上演技派，又唔係典型靚仔，不過拍得警匪劇多都叫做一副硬漢形象。轉戰大陸之後順手娶妻張利華，在港曝光率大減；2010年就被傳媒影到凸晒腩打網球：
（on.cc 東網圖片）
黃一飛
已轉戰大陸的飛哥，年頭於大陸客串張堅庭執導電影《我想靜靜》被發現暴脹。他回應記者稱自己自從7年前戒煙就開始肥，肥咗50磅，即已190磅。雖然戒咗煙，但肥得滯就有骨刺問題咁話。
（同戲演員楊玉梅微博圖片）（《回魂夜》1995）
陳子聰
肥到有健康問題的唔止飛哥。陳子聰曾經Fit 爆 Model身型：
（壹周刊圖片）
但自從結婚後愈來愈肥，曾經脹到220磅。形象事小，健康事大，2011年因尿酸、膽固醇、血壓都超標引發心臟病。
（蘋果日報圖片）
焗住減肥，2個月減32公斤：
（on.cc東網圖片）
以上10位，撇開健康問題其實多數肥咗都無乜影響，甚至肥咗仲好過唔肥。當然如果有人好似朱孝天咁出埋錢俾你減，又不妨玩下嘅。
（蘋果日報圖片）
昨日大陸真人騷節目《燃燒吧！卡路里》記者會，有份參與的朱孝天亦有出席。話晒都係偶像派的朱孝天其實都肥咗好耐，之前多次被傳媒問及肥胖問題都黑晒面。不過自稱變肥係因為父親過身而日日飲酒，都算情有可原。今次肯「拋個身出嚟做」相信與酬金及即將與大陸藝人韓雯雯結婚有關。
藝人身形經常成為傳媒話題，尤其是偶像派；香港亦有不少變肥歌手藝人：
謝安琪
今年頭「叱咤頒獎禮」一條裙谷爆上圍，惹來增磅兼大肚疑雲。不過「謝安肥」否認，但就坦承過去1年肥咗十幾磅。咁樣肥法，其實仲正。
陳松齡
（face 圖片）
自言肥到老公都唔認得。不過自稱因為搞胸圍生意由A Cup 變 F Cup，同Kay 一樣隨時仲正咗；雖然之前《Sunday好戲王》露面放風回巢，有網民話似黃淑儀、姚瑩瑩、鼠王芬。
（face 圖片）
（蘋果日報圖片）
（on.cc東網圖片）
商天娥
（忽然一周圖片）
（tvb.com 劇照）
出道早年任花旦，例如同黃日華拍《碧血劍》、而家半夜翻播的《鹿鼎記》做阿珂。愈撈愈肥，有名俾大家叫肥鵝。04年曾代言纖體公司La Bon 一度fit 爆，2個月130幾磅減到110幾磅。雖然減體重逐漸回升，但都算識玩，索性增肥拍《師奶股神》。拍完劇，加上2010年結婚，再度的起心肝減25磅重回130磅水位，夠晒啦。（蘋果日報圖片）
苟姑娘
（on.cc 東網圖片）
（TVB《戀戀沖繩》Cap 圖）
甫出道08年華姐冠軍係幾Fit，報稱115磅，但係苟姑娘得以起朵全靠靚樣及肉地。因被傳「攻城」緋聞壓力太大引發甲狀腺病變而暴肥，高峰曾經去到170磅，被稱為「肥苟」。後尾身形一度回落，但未必係好事，因為自爆源於抑鬱，仲差啲自殺。（蘋果日報圖片）
杜如風
不時被人插「肥腫難分世界級港女」，杜如風自言唔係靚女唔係賣樣；而且其實都唔係咁差：
早前幫 Panasonic 賣電飯煲，塊面肥咗成個碼。唔拘嘅，最緊要繼續風言風語我行我素，咁就知邊個先係「港女」。
湯鎮業
話晒曾經係當家小生之一，《香城浪子》官仔骨骨；《天龍八部》、《神鵰俠侶》做開大俠，高手的確係事必要靚仔有型，唔可以甩皮甩骨。（Astro 圖片）
90年代中轉戰大陸，無見一輪肥咗幾個碼。不過有幾多人可以食靚仔樣食一世？心廣體胖黐埋撇鬚，反而行出嚟確有多少「梟雄」嘅款同霸氣（雖然原形未必係咁嘅身形）。
（蘋果日報圖片）
歐陽震華
歐陽震華素來形象肥頭耷耳，雖然演技未至於標青，但《壹號皇庭》、《陀槍師姐》等好劇本助佢入屋，能夠成為無線福將真係集晒天時地利人和。80年代出道早期在《射鵰英雄傳》做大茄丁家頭，曾經好瘦。
魏駿傑
（1999 宣傳《反黑先鋒》泳褲look fit 爆；蘋果日報圖片）
雖然唔足以稱得上演技派，又唔係典型靚仔，不過拍得警匪劇多都叫做一副硬漢形象。轉戰大陸之後順手娶妻張利華，在港曝光率大減；2010年就被傳媒影到凸晒腩打網球：
（on.cc 東網圖片）
黃一飛
已轉戰大陸的飛哥，年頭於大陸客串張堅庭執導電影《我想靜靜》被發現暴脹。他回應記者稱自己自從7年前戒煙就開始肥，肥咗50磅，即已190磅。雖然戒咗煙，但肥得滯就有骨刺問題咁話。
（同戲演員楊玉梅微博圖片）（《回魂夜》1995）
陳子聰
肥到有健康問題的唔止飛哥。陳子聰曾經Fit 爆 Model身型：
（壹周刊圖片）
但自從結婚後愈來愈肥，曾經脹到220磅。形象事小，健康事大，2011年因尿酸、膽固醇、血壓都超標引發心臟病。
（蘋果日報圖片）
焗住減肥，2個月減32公斤：
（on.cc東網圖片）
以上10位，撇開健康問題其實多數肥咗都無乜影響，甚至肥咗仲好過唔肥。當然如果有人好似朱孝天咁出埋錢俾你減，又不妨玩下嘅。
請按此登錄後留言。未成為會員? 立即註冊