《男人食堂》Ben Sir 唔講粗口，轉講本土諧趣鹹片名！ 精選 推薦

昨晚（5月15）《男人食堂》Ben Sir 歐陽偉豪的粗口學堂唔講粗口，自稱細個為咗學好中文就去研究鹹片（名），今集就轉講本土諧趣鹹片名。

Ben Sir 都唔係齋數鹹片名嘅，都有自己的諧趣解讀嘅，例如：

「好正常嗟，英雄唔好色，咁咪無『英雄本色』囉？﹗」

「『誘窺誘舉』，引誘你偷窺、引誘你舉……報！」

哦…原來係洩淫念！

「到時真係 Mr.鞭對Mr. Bean，將粒戇豆鞭開兩邊，聽見都赤赤痛！但又唔知邊度痛喎，總之赤赤痛啦！」
（相信梁烈唯係真心忍唔到笑）


本欄都講過幾次，《男人食堂》經常到喉唔到肺，包括「粗口學堂」之前幾集以及今集數鹹片名都係。而梁烈唯、金剛的對白、表現仲要愈嚟愈扮晒好男人，難怪有觀眾、網民指節目好有幫佢哋洗底 feel。加上唔識主持，嘉賓錫身唔敢亂講，結果得個悶字。而Ben Sir 就算都唔係講得好到肉，但至少都有個人風格，不過講完粗口講完鹹片名之後仲有乜嘢踩界題目講、可以頂到幾多集就唔知喇。