《男人食堂》教粗口忍唔到笑!點解 Ben Sir 可以咁入屋?

娛樂之王 於 21/03/2016 發表 收藏文章
Ben Sir 歐陽偉豪不時上TVB 教人講、讀正字,估唔到懶係sell 踩界、意淫的《男人食堂》都有佢份!事緣昨晚話題探討粗口,今次唔搵金剛出「壞景」,叫梁烈唯搵Ben Sir 上一堂「粗口學堂」:
張凌良 - GM facebook 影片

雖然有網民大讚 TVB 今次高質、Ben Sir好生鬼之餘,在有限的尺度之下都表達到粗口,但亦有觀眾表示睇唔明或到喉唔到肺:

節目講/教正字,TVB 都做過幾次,《最緊要正字》這幾位嘉賓主持相信大家都好熟悉:
康寶文,前中文大學中國語言及文學系高級導師,2012年因癌病逝。(bulo.hujiang.com 圖片)

何文匯,前中文大學中國語言及文學系高級導師。(bulo.hujiang.com 圖片)

黃念欣,中文大學中國語言及文學系教授。(bulo.hujiang.com 圖片)

而歐陽博士當然都有份,不過當時比較一本正經(bulo.hujiang.com 圖片):

之所以能夠彈出入屋,全賴在學是學非上扮鬼扮馬:
《衝上雲宵2》「Cool 魔」(facepop圖片)

《葉問》(blablabla-media.com圖片)

《神探伽俐略》(blablabla-media.com圖片)

「鄧Ben利多」(blablabla-media.com圖片)

與「靚湯」玩過兒與姑姑(blablabla-media.com圖片)

自稱「身上流住周星馳的血」,當然要惡搞下星爺,例如玩唐伯虎點蚊香:
(blablabla-media.com圖片)

之前本欄都講過,《男人食堂》懶踩界查實小兒科,今次亦唔例外。講到咁白都睇唔明的觀眾真係幫你唔到。今次講5隻粗口字的用法,問心真係基本到唔基本,大家平時去茶餐廳聽到都唔止呢個級數。而且粗口趣味不一定止於配搭,片頭咁講下掌故其實OK,但係咪下下都淨係淨係得袁崇煥呢?至於Ben Sir話「最勁用法係3個字連用」,咁蕭若元都曾經自詡36字粗口,但其實係咪愈多就等於愈勁、愈好笑、愈過癮呢?
至於玩消音講隱晦,眾所周知粗口諧音亦係常見趣味,例如甘小文的「柑蕉桔梨蘿柚,雁鷲鵰狸獅狒」,或《唐伯虎點秋香》的「魚肥果熟麻撚飯,你老母矣親下廚」就傳頌至今。
另外,其實歐陽偉豪,以至上述的何文匯,所提倡的一些正音正讀其實在學術界廣受討論及質疑。聽完Ben Sir 講啲淺到唔淺的粗口,係咪覺得好生鬼笑一餐、就可以感慨下廣東話博大精深就算呢?
(戴返頭盔先:本人呢方都係外行人)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→