《男人食堂》Ben Sir 唔講粗口,轉講本土諧趣鹹片名!

娛樂之王 於 16/05/2016 發表 收藏文章
昨晚(5月15)《男人食堂》Ben Sir 歐陽偉豪的粗口學堂唔講粗口,自稱細個為咗學好中文就去研究鹹片(名),今集就轉講本土諧趣鹹片名。

Ben Sir 都唔係齋數鹹片名嘅,都有自己的諧趣解讀嘅,例如:

「好正常嗟,英雄唔好色,咁咪無『英雄本色』囉?﹗」

「『誘窺誘舉』,引誘你偷窺、引誘你舉……報!」

哦…原來係洩淫念!

「到時真係 Mr.鞭對Mr. Bean,將粒戇豆鞭開兩邊,聽見都赤赤痛!但又唔知邊度痛喎,總之赤赤痛啦!」
(相信梁烈唯係真心忍唔到笑)

loading

本欄都講過幾次,《男人食堂》經常到喉唔到肺,包括「粗口學堂」之前幾集以及今集數鹹片名都係。而梁烈唯、金剛的對白、表現仲要愈嚟愈扮晒好男人,難怪有觀眾、網民指節目好有幫佢哋洗底 feel。加上唔識主持,嘉賓錫身唔敢亂講,結果得個悶字。而Ben Sir 就算都唔係講得好到肉,但至少都有個人風格,不過講完粗口講完鹹片名之後仲有乜嘢踩界題目講、可以頂到幾多集就唔知喇。

留言


請按此登錄後留言。未成為會員? 立即註冊
    快捷鍵:←
    快捷鍵:→