無綫10套運動主題劇集 精選

6. 拳王（2011）
前15集算正路，可惜劇情發展愈來愈誇，浪費了「細祥」陳國邦的演出。
5. 勇往直前（2001）
賽馬劇搵返馬仔馬浚偉飾演馬夫甘元，戲中佢照顧的前馬王「小飛象」，真名華盛頓。雖然都有唔少商戰戲，但主線講見習騎師的故事，由真係見習騎師的余詠詩演其中一位。有興趣可以睇睇佢拍劇前無耐的埋齋馬：
而主題曲《想飛》，都算係做過歌手的馬浚偉唯一入屋的歌：
覺得大鷄唔食細米，唔想做騎師、練馬師，就請睇韋家輝監製、Ming Sir、黃日華主演的《馬場大亨》，睇下高手點講夢想。

4. 功夫足球（2004）
蕭定一監製的大堆頭。劇名、黃一飛又做鐵頭功、又係識太極嘅守龍、又有醜女（黃伊汶飾演），擺到明食少林足球條水。搵返《足球小將》原唱張衛健擔正之外，其死敵樸迪路由港足潘文迪飾演。