《末代御醫》負皮;觀眾、網民:好想郭晉安再做奸角

娛樂之王 於 06/04/2016 發表 收藏文章
(網易圖片)
本欄數月前先講過「珊姐」余詠珊頭馬杜之克抽起幾套劇(余詠珊殺入戲劇組,將5套重頭劇放入倉底!),監製張乾文退休作加楊怡離巢作《末代御醫》亦有份。不過上星期解凍,播咗個幾星期之後,唔少觀眾網民今次就撐珊姐同杜之克,因為套劇真係由劇情、選角到細位,都相當惡睇。

首先TVB 一貫歷史劇多甩漏,例如劇中「大清」居然得到「英國公使送維生素」、日本國又臣服過大清,逐樣數真係數到天光。

「金牌監製」「添叔」李添勝啲劇其實都多甩漏,但人哋勝在有張華標公式,又有鄧萃雯、視帝祥的「演技」,都叫有啲劇力同緊湊位,起碼叫引到觀眾追。但今次一堆前叻哥旗下暗星,例如彭懷安(eddie)、王志安(otto)真係唔掂,JJ 賈曉晨普通;本身無乜期望的「魔鬼胸」蔚雨芯同林子善互動反而算 OK。一堆妃嬪、格格得朱晨麗樊奕敏叫做正路些少,亦有觀眾指林秀怡李綺雯張惠雅着咗「清裝」都係似MK 妹多;張穎康、膠面胡渭康亦惡/奸唔出樣,拍得住《刀下留人》吳岱融。

一堆配角/新人唔得都話可以俾啲時間,但今次可能角色所限,擔正的郭晉安楊怡真係無視帝、視后氣場撐起套劇兼帶新人。楊怡又係做多管閒事的正義煩膠;郭晉安就自從「阿旺」2奪視帝之後變咗「阿旺安」,演乜都係一浸阿旺除,例如《東宮西宮》日日美人前梓童後,最慘觀眾笑唔出。反而令觀眾網民好懷念《與敵同行唐立言、《忠奸人高哲行

當年郭晉安演的唐立言殺羅樂林嫁禍鄭嘉穎、掉呂珊落地、要脅姚子羚跪地認錯、推袁彩雲落樓、兇到黎宣過馬路被車撞…加埋神情、語調,包括最後的陰陰嘴笑,真係奸到出汁:
(tvb.com cap圖)
(hkgolden 圖片)
(wikia 圖片)
個妹姚子羚同女友蒙嘉慧都唔放過:
(tvb.com 劇照)

而《忠奸人》除咗有李子雄做賣點吸一吸收視之外,郭晉安的演技真係救返套劇:劉思希對唔少觀眾已經夠晒趕客(雖然我覺得演技唔算太差),而有追到結尾嘅朋友就知一句「男人弱點就係女人」如何令結局膠化、神展開,好似唔坐監就唔安樂埋唔到尾咁;加上大結局李子雄槍戰膠位,又無交代另一要角張繼聰收場。真係靠郭晉安由頭帶到尾。
(劉思希;tvb.com劇照)
(李子雄;tvb.com劇照)
(wikia 圖片)

如果喜歡我們的文章,請即分享到︰

標籤: 郭晉安  

留言

會員
我要評論
請按此登錄後留言。未成為會員? 立即註冊
  • Peelala
    Peelala 於 07/04/2016 評論 NO. 1

    劇本所限,悶得發慌,除了熄機,可以點?

  • Yaka Au Yeung
    Yaka Au Yeung 於 07/04/2016 評論 NO. 2

    已經轉左

  • 陈冠华
    陈冠华 於 08/04/2016 評論 NO. 3

    这个好像好看,不错

快捷鍵:←
快捷鍵:→