成日有人話亞視曾經領導潮流，通常都會舉《我和殭屍有個約會》做例，好似最近TVB播新劇《殭》，加上新機頂盒 myTV super會翻播「我和殭屍」就應晒。其實亞視除咗「我和殭屍」同亞姐，在外購劇方面都行先過無綫（【悼念亞視系列】亞視高質外購日劇）以及最近因為買入hit 爆韓劇《太陽的後裔》而成功從TVB 「界」到8點收視的ViuTV（ViuTV 成功搶走大台慣性收視？10個成功狙擊TVB的電視節目），更一度帶起煲韓劇風潮：
（註：括號內為亞視播出年份）
《藍色生死戀》（2002）主演：宋慧喬、宋承憲、元斌
（emscloud.tistory.com圖片）
2000年出品；劇情就係學友《遙遠的她》一句歌詞「血癌已帶走她」。好催淚定好老套好師奶定乜都好，總之開創香港韓劇熱潮，平均收9點，結局最高收13、4點。無線同一檔的《無考不成冤家》結局篇及《烈火雄心Ⅱ》首周分別只收26及28點。雖然《藍》2001年7月在有線播先，但始終係收費台。作為免費台的亞視先真係帶起煲韓劇熱潮，因為無綫到2003年先播張娜拉起朵作《開朗少女》還擊；TVB 同年播出的《天國的階梯》就有眼癌復發崔智友死於「誠俊哥」權相佑懷中。
《冬日戀曲》（2002）
主演：裴勇俊、崔智友、朴容夏、朴率美
（ettoday圖片）
當年《藍色生死戀》收得，亞視添食《冬日戀歌》都硬要改名《藍色生死戀II：冬日戀歌》，就等於《愛回家之八時入席》，真係熟口熟面到呢。「太陽」的「烏魯克」帶紅希臘；當年《冬日戀曲》除咗2位主角走紅，劇集雪景亦帶紅春川、南怡島旅遊。
《愛上女主播》（2002）
主演：張東健、蔡琳、金素妍、韓宰錫
（imbc圖片）
可能係張東健在香港的成名作。雖然未能延續《藍色生死戀》神話，但面對翻炒又翻炒的奬門人（《吾係獎門人》），《愛上女主播》輕鬆收9點。
《順風婦產科》（2002）
主演：吳志明、鮮于龍女、李太蘭、朴英奎、宋慧喬、金素妍
（SBS 圖片）
可能見宋慧喬紅，02年亞視先買呢套1998年長壽輕鬆處境劇，宋慧喬嶄露峰芒之作。想放工唔使用腦笑一笑，當年唔止《皆大歡喜》。
《情定大飯店》（2003）
主演：宋允兒、裴勇俊、金承佑、宋慧喬
（pinterest.com圖片）
2001年劇集，宋允兒代表作。裴勇俊1997年《初戀》收65.8%，在韓國一炮而紅。不過到《冬日戀曲》長毛四眼形象先迷魂中日港台師奶，加上宋慧喬，如此卡士，收視保証。2007年上戶彩拍日本版，亦有俊哥客串。
《紅豆女之戀》（2003）
主演：張娜拉、金載沅、金來沅、洪恩希
（kimjaewon.co.kr圖片）
TVB 當年5月播張赫、張娜拉的《開朗少女》，ATV 8月就以張娜拉另一hit 劇《紅豆女之戀》應戰。
《巴黎戀人》
主演：朴申陽、金晶恩、李東健、吳周英
（namu.wiki 圖片）
又一無綫、亞視角力。《巴黎戀人》04年在韓國高收57.6%，朴申陽亦因此紅遍亞洲。05年ATV 播出後，翌年TVB就買入添食作《布拉格戀人》，當時全度研仍未憑《密陽》奪康城影后。
《我叫金三珣》（2006）
主演：金宣兒、玄彬、鄭麗媛
（namu.wiki 圖片）
玄彬起朵之作，結局高收50%。
《Oh!必勝奉順英》（2006）主演：蔡琳、安在旭、朴宣暎、柳鎮
（ajunews.com圖片）
有線2005年播先，亞視再次翻炒。雖然劇本身反應不錯，不過fans 就抱怨亞視刪剪太多，導致劇情上文不接下理。
《巨人》（2011）
主演：李凡秀、黃靜茵、朱相昱、朴真熙、朴尚民、金秀賢、呂珍九（wikipedia 圖片）
睇開韓國片都知韓國人幾鍾意玩復仇主題。SBS20周年台慶劇，3兄妹失散成長復仇加商戰；放埋落大時代，講政治、貪污，鍾意睇政治／時代劇朋友可以一戰，不過當年似乎無乜迴響。
2001年亞視首次買入1997年張東健主演的韓劇《天橋風雲》，本人就無睇過。不過翌年的《藍色生死戀》，真係無睇都一定知有呢套劇。到無綫自從沾手韓劇之後，基本上順風順水，《天國的階梯》、《大長今》、《浪漫滿屋》、《宮》、《大話妹》、《茶煲阿四》套套收得，其中《大長今》最高收 50點！後來直頭開埋煲劇台同韓劇台，就算亞視間中有零星幾套具口碑韓劇，整體完全fight 低劇集愈買愈低檔的亞視。
（註：括號內為亞視播出年份）
《藍色生死戀》（2002）主演：宋慧喬、宋承憲、元斌
（emscloud.tistory.com圖片）
2000年出品；劇情就係學友《遙遠的她》一句歌詞「血癌已帶走她」。好催淚定好老套好師奶定乜都好，總之開創香港韓劇熱潮，平均收9點，結局最高收13、4點。無線同一檔的《無考不成冤家》結局篇及《烈火雄心Ⅱ》首周分別只收26及28點。雖然《藍》2001年7月在有線播先，但始終係收費台。作為免費台的亞視先真係帶起煲韓劇熱潮，因為無綫到2003年先播張娜拉起朵作《開朗少女》還擊；TVB 同年播出的《天國的階梯》就有眼癌復發崔智友死於「誠俊哥」權相佑懷中。
《冬日戀曲》（2002）
主演：裴勇俊、崔智友、朴容夏、朴率美
（ettoday圖片）
當年《藍色生死戀》收得，亞視添食《冬日戀歌》都硬要改名《藍色生死戀II：冬日戀歌》，就等於《愛回家之八時入席》，真係熟口熟面到呢。「太陽」的「烏魯克」帶紅希臘；當年《冬日戀曲》除咗2位主角走紅，劇集雪景亦帶紅春川、南怡島旅遊。
《愛上女主播》（2002）
主演：張東健、蔡琳、金素妍、韓宰錫
（imbc圖片）
可能係張東健在香港的成名作。雖然未能延續《藍色生死戀》神話，但面對翻炒又翻炒的奬門人（《吾係獎門人》），《愛上女主播》輕鬆收9點。
《順風婦產科》（2002）
主演：吳志明、鮮于龍女、李太蘭、朴英奎、宋慧喬、金素妍
（SBS 圖片）
可能見宋慧喬紅，02年亞視先買呢套1998年長壽輕鬆處境劇，宋慧喬嶄露峰芒之作。想放工唔使用腦笑一笑，當年唔止《皆大歡喜》。
《情定大飯店》（2003）
主演：宋允兒、裴勇俊、金承佑、宋慧喬
（pinterest.com圖片）
2001年劇集，宋允兒代表作。裴勇俊1997年《初戀》收65.8%，在韓國一炮而紅。不過到《冬日戀曲》長毛四眼形象先迷魂中日港台師奶，加上宋慧喬，如此卡士，收視保証。2007年上戶彩拍日本版，亦有俊哥客串。
《紅豆女之戀》（2003）
主演：張娜拉、金載沅、金來沅、洪恩希
（kimjaewon.co.kr圖片）
TVB 當年5月播張赫、張娜拉的《開朗少女》，ATV 8月就以張娜拉另一hit 劇《紅豆女之戀》應戰。
《巴黎戀人》
主演：朴申陽、金晶恩、李東健、吳周英
（namu.wiki 圖片）
又一無綫、亞視角力。《巴黎戀人》04年在韓國高收57.6%，朴申陽亦因此紅遍亞洲。05年ATV 播出後，翌年TVB就買入添食作《布拉格戀人》，當時全度研仍未憑《密陽》奪康城影后。
《我叫金三珣》（2006）
主演：金宣兒、玄彬、鄭麗媛
（namu.wiki 圖片）
玄彬起朵之作，結局高收50%。
《Oh!必勝奉順英》（2006）主演：蔡琳、安在旭、朴宣暎、柳鎮
（ajunews.com圖片）
有線2005年播先，亞視再次翻炒。雖然劇本身反應不錯，不過fans 就抱怨亞視刪剪太多，導致劇情上文不接下理。
《巨人》（2011）
主演：李凡秀、黃靜茵、朱相昱、朴真熙、朴尚民、金秀賢、呂珍九（wikipedia 圖片）
睇開韓國片都知韓國人幾鍾意玩復仇主題。SBS20周年台慶劇，3兄妹失散成長復仇加商戰；放埋落大時代，講政治、貪污，鍾意睇政治／時代劇朋友可以一戰，不過當年似乎無乜迴響。
2001年亞視首次買入1997年張東健主演的韓劇《天橋風雲》，本人就無睇過。不過翌年的《藍色生死戀》，真係無睇都一定知有呢套劇。到無綫自從沾手韓劇之後，基本上順風順水，《天國的階梯》、《大長今》、《浪漫滿屋》、《宮》、《大話妹》、《茶煲阿四》套套收得，其中《大長今》最高收 50點！後來直頭開埋煲劇台同韓劇台，就算亞視間中有零星幾套具口碑韓劇，整體完全fight 低劇集愈買愈低檔的亞視。
請按此登錄後留言。未成為會員? 立即註冊