【多圖有片】《晚吹 - 真PK》,玩到大隻佬「錫出感情來」、KB 吞老鼠!

娛樂之王 於 08/05/2016 發表 收藏文章
昨晚ViuTV《晚吹 - 真PK》,KB 又例牌受罰。上半集已經玩過

青檸汁滴眼:

籮柚夾斷鉛筆:

大隻佬口吹胡椒噴霧:


好戲在後頭,下半場JW 被火火問到暗題令KB 受罰掌上壓食糖:大隻佬口內含住一捲軟糖瞓喺地,而KB 就要好似拉廁紙咁,用口由大隻口中食晒成捲,睇到嘉賓 JW 都大叫:
(source: So Sad)

KB食到口水滴晒落大隻佬個下巴,搞到大隻都頂唔順擰側個頭;一路拍片嘅主持火火都笑大隻佬怕醜,錫出感情來,叫大隻佬「咪」直隻腳;亦有觀眾笑指究竟係懲罰邊個。

之後JW 成功被陰到,bet 錯3次暗題,要飲老鼠酒!最終火火「出於憐憫」加上節目效果,JW 齋飲酒,KB 就要齋啪老鼠!

《晚吹 - 真PK》其實都只係獎門人變奏,贏在放啱時段,因為講仆街口臭賤格,獎老真係可以唔輸蝕,不過始終合家歡時段,又係嘉賓胡鬧、接受懲罰為主,出嚟一定小兒科;而且《真PK》搵到KB 集集做下靶,基本上所有核突變態嘢諗得出都有佢都可以做俾觀眾睇,因為就算嘉賓錫身,好似今集JW 咁求情/唔認數,或者林雪、鄭中基之類的級數2個主持唔敢玩佢哋,都仲有KB;雖然睇嘉賓玩變態嘢應該效果仲爆。不過個PK 味就真係無乜喇,KB 問問題方面實在太低手(至少鏡頭前係咁),用TVB 嘅「語言」嚟講就係大結局啲奸角硬係要「自已搵監坐」,如果唔係個節目會再好睇啲。

留言


請按此登錄後留言。未成為會員? 立即註冊
    快捷鍵:←
    快捷鍵:→