傳大台抄橋搵崔建邦打 MMA，仲有邊個應該玩？ 精選

據《蘋果日報》報導，無綫見ViuTV《G1格鬥會》有話題有收視，有樣學樣叫藝人打 MMA，等於當年見ATV玩《百萬富翁》佢又玩《一筆Out消》。

崔建邦
入行前曾跟《G1格鬥會》評判徐家傑學過11年西洋拳，不過「散打王」的稱號反而因為他2009年涉嫌毆打靚模「中巴」鄺慧敏而更廣為流傳。所以今次亦有網民笑指應該搵返女參賽者，因為打女人先係崔建邦嗰瓣，甚至叫崔直接去拍G1第2輯。打女人的藝人又豈止崔建邦，唔啱搵埋蔡康年、周永恆。


蔡康年
有傳99年毆打女友施念慈，施念慈淡出幕前。

周永恆
2014年打老婆趙頌茹，令她下巴縫2針及膝頭受傷，最終離婚收場。早前上ViuTV 仲係好shuffle。

亦可以搵下經常打人的娛圈中人，例如
曹格、鄭中基
2009年9月23日凌晨，在中環疑因飲醉酒而在的士毆打側田，被網民將《曹劌論戰》改成「曹格論戰」惡搞。2013年在台北西門町「河岸留言」疑似飲醉衝上台搶咪發嗑瘋兼作勢打人，最後靠藝人小鬼打圓場拉落台。
鄭中基2000年曾在美國往台北飛機上飲醉，扯空姐頭髮、叉副機長條頸，令飛機需要急降，落地後佢被FBI 拘捕，最終罰錢收場。
2位可以考慮下跟曾經飲醉大鬧李宗盛演唱會的成龍「醉拳」。


張永豪
張永豪1997拍《生命冇Take 2》當眾鬧阿佘戲屎鬧到喊；2012年《心路GPS》「天使妹」劉萱慰又被佢彈戲屎而當眾用裝田雞袋笠頭再撞牆，當時杜汶澤大爆張永豪喺ATV做PA時已經成日鬧人、發脾氣所以有「躁狂導演」之稱。3月《愛．回家》亦被傳媒揭發佢喺片場多次打演員魏焌皓。聞說佢因此事而停工，如果有得參加，可以繼續攞正牌出糧打人。

有觀眾覺得G1最大問題係受訓只得一個月，本身功夫、運動底子太薄，落場睇落始終都太兒戲。所以今次有傳除咗崔建邦，仲可能會搵健開身的林子善同陳志健 Otto，而且會停工受訓半年。但亦有觀眾一嘢KO：話 G1 最大吸引力其實係班女同八卦，搵仔拍真係搵鬼睇，仲話如果想睇有返咁上下實力嘅不如睇職業比賽。