【暗黑令狐沖·呂頌賢】【變節臥底】其實喺好耐之前,我已經唔再係一個警察。




如果【法網群英】喺TVB播,我肯定可以成為全城熱話,可惜當年喺亞視播,註定佢成為滄海遺珠。但滄海遺珠唔一定係壞事,因為係好嘢始終會俾大家發掘返。搶一刻熱話呃一時收視,都係過眼雲煙,因為如果套戲唔掂,人哋睇一次已經唔會再想睇。
.
若干年後沒有人會記得那些股票、黃金、錢財,世界大事都只是過眼煙雲,但一個好嘅劇本,過咗五十年、一百年,依然有人欣賞,呢啲就叫咗文章有價。

同樣道理,戲劇有價,好嘅戲劇,唔需要爭一朝之長短。係好嘅,過咗幾多年後都依然會有人讚賞。

呂頌賢塑造咗最經典嘅令狐沖。瀟灑不羈,不被框框所馴服。角色性格太令人難忘,以至於佢著住時裝做臥底殺害上司,都令我覺得佢係令狐沖:「咦,令狐沖做壞事!」

暗黑令狐沖,雖然亦重情義,但同樣心狠手辣,殺上司,殺善良女同事,殺前度女友……呢套【法網群英】本身已經甚有睇頭,加上有暗黑令狐沖,真係唔追唔得。

留言


請按此登錄後留言。未成為會員? 立即註冊
    快捷鍵:←
    快捷鍵:→