【緣係緣，份係份，有緣唔一定有份】「你要記住，就算我唔喺你隔離，我都會好掛住好掛住你。」

開花唔一定結果，有緣唔一定有份。學魚魚（女版主）話齋，回憶都可以好似腳底按摩咁，爽並痛著，而唔係諗起就喊到收唔到聲。有時候遺憾更美麗，離開也是愛。

「冇嘢取代到我哋嘅感情。」女主角呀寶情感大爆發，令人動容。

「第一次不是你」唯一敗筆就係戲名改得曳。有人話男女主角啲戲唔掂，我反而覺得貼地，就係貪佢哋青澀而又幼嫩，先可以引起共鳴。最好嘅電影往往就係自然流露，而唔係純粹靠演技堆砌。
我會將呀寶同呀強列為「千禧年後我最喜愛嘅銀幕情侶」，你呢？你會唔會睇完呢套電影同我一樣感想呢？值得一睇再睇嘅好電影，葉念堔嘅代表作：「第一次不是你」。

PS：Upload唔到呢條咁感人嘅片段，所以整張Gif圖，大家記得睇片呀！

全片：

http://www.56.com/u79/v_MTE4MjYwNTQw.html

#第一次不是你 #導演葉念堔 #呀寶蔣家旻 #呀強馬志威

http://gph.is/2r2MEbc