【新房客】【黃秋生最強Cult片】超時空的愛。來自1994年嘅男人戀上來自1984年嘅女人。



「一百萬嘅題目,黃秋生嘅職業係?」

A:演員;B:歌手;C:導演;D:以上皆是。

答案係 D。黃秋生首部執導嘅電影就係【新房客】,Cult片中嘅Cult 片,唔駛血肉模糊,Cult味依舊勝過【八仙飯店】、【伊波拉病毒】同最近上映嘅【失眠】。

Cult片係指拍攝手法創新、題材冷門、風格異常、帶有濃烈個人觀點、富有爭議性嘅故事 。

睇完【新房客】,你唔知到底係一個作家創作嘅劇本,抑或係一個病人嘅精神分裂,到底男主角係假癲(作家)定係真癲(精神病患者)。黃秋生本係以文藝片出道,後期卻意外憑借一系列嘅Cult片成為「香港Cult片教父」,拎埋影帝平地一聲雷。

飾演變態佬,黃秋生坦言係為咗搵食,佢根本唔鐘意飾演變態佬。命運就係咁,拍文藝片泊唔到其他文藝片大導演嘅岸,做唔到梁朝偉呢類偶像實力派,但乜片都拍,反而練就一身好演技,成為影壇最獨樹一幟嘅實力派。

呢套【新房客】,充滿黃秋生嘅實驗理念,喜歡獵奇嘅觀眾不容錯過呢套好嘢,喜歡黃秋生嘅觀眾更加要睇下呢套好嘢。

票房仆直唔代表啲乜。只代表當時嘅人接受唔到呢啲實驗。實驗有分成功同失敗,【新房客】絕對係一次成功嘅實驗。




歡迎訂閱舊的港產片新的影評YouTube Channel :

https://www.youtube.com/channel/UCKIM0AsqBg6Jnqt8lVke7Ww
標籤: 黃秋生  Cult片  

留言


請按此登錄後留言。未成為會員? 立即註冊
    快捷鍵:←
    快捷鍵:→