每逢過年過節，又或者係舊嘅一年迎接新嘅一年，好多男仔就會感歎 「那有女？你LM！」所以我今次分享一個故事，希望大家睇完之後可以慶幸自己冇俾人Hurt過，因為冇付出過真感情就唔會俾人Hurt。 當你癡情地咁對一個女仔好，但發現人哋有咗男朋友，嗰下重創心靈嘅感受，邊度會係冇女嘅宅男體會得到？
吳孟達，一早應該拎影帝殊榮，根本佢就具備影帝應該有嘅實力，可惜擔當配角嘅演出太多，令人忽略其擔當主角嘅演出。呢套【蠟筆小小生】，就係講達叔暗戀賣花盲妹嘅故事。
「樣衰都唔係罪過啫！」係，話雖如此，但樣衰嘅人通常自覺配唔上白雪公主呀嘛，癡心嘅人通常都會覺得白雪公主係應該配上白馬王子。
喺呢套電影入面，我哋可以感受到小矮人為咗白雪公主可以去到幾盡。俾全世界都係乞衣都冇所謂，最緊要見到白雪公主幸福。
達叔係一名校工，暗戀賣花嘅盲妹朱茵。達叔扮係有錢人，然後成日同街邊擺檔賣花嘅盲妹買花，再送俾盲妹。有日得知盲妹咁勤力賣花係想籌五十萬手術費做眼角膜移植手術。達叔自知有心無力，唯有得閒幫襯盲妹買花。點知有一日學校出重賞邀請老師返學校整治班壞學生，賞金出到五十萬。於是達叔就同離家出走嘅小新一齊上烏龍院學藝。學成歸來便去學校做老師，成功教到班壞學生聽教聽話，但又無意中得罪咗教育局長嘅仔，於是賞金不包被辭退。小新就安排達叔返屋企偷50萬，最後達叔成功拎咗50萬俾盲妹做手術。之後返去自首，小新老豆前事不咎。而當達叔返去搵盲妹，發覺攤檔已經唔喺度，取而代之係開咗間花店，盲妹亦睇得返嘢。
冇嘢慘得過俾暗戀嘅女仔當係乞衣，仲發覺對方已經有男朋友，深知自己因為呃盲妹自己係靚仔同有錢，實際上亦配唔上嗰女仔。
盲妹含淚認出達叔，達叔含淚否認，然後告退。
2016年最後一日，都係想分享呢個故事，勉勵各位冇女巴打，振作呀！起碼唔會慘得過達叔先啦，你又冇試過俾個女仔50萬但係連佢嘅手仔都未拖過？
你諗下就知道，其實毒L一個更開心啦。
全片：
https://www.youtube.com/watch?v=Ad0O6m7gGnk
#蠟筆小小生 #吳孟達 #朱茵
請支持 舊的港產片新的影評 page：
https://www.facebook.com/HKFilmsNewReviews/
吳孟達，一早應該拎影帝殊榮，根本佢就具備影帝應該有嘅實力，可惜擔當配角嘅演出太多，令人忽略其擔當主角嘅演出。呢套【蠟筆小小生】，就係講達叔暗戀賣花盲妹嘅故事。
「樣衰都唔係罪過啫！」係，話雖如此，但樣衰嘅人通常自覺配唔上白雪公主呀嘛，癡心嘅人通常都會覺得白雪公主係應該配上白馬王子。
喺呢套電影入面，我哋可以感受到小矮人為咗白雪公主可以去到幾盡。俾全世界都係乞衣都冇所謂，最緊要見到白雪公主幸福。
達叔係一名校工，暗戀賣花嘅盲妹朱茵。達叔扮係有錢人，然後成日同街邊擺檔賣花嘅盲妹買花，再送俾盲妹。有日得知盲妹咁勤力賣花係想籌五十萬手術費做眼角膜移植手術。達叔自知有心無力，唯有得閒幫襯盲妹買花。點知有一日學校出重賞邀請老師返學校整治班壞學生，賞金出到五十萬。於是達叔就同離家出走嘅小新一齊上烏龍院學藝。學成歸來便去學校做老師，成功教到班壞學生聽教聽話，但又無意中得罪咗教育局長嘅仔，於是賞金不包被辭退。小新就安排達叔返屋企偷50萬，最後達叔成功拎咗50萬俾盲妹做手術。之後返去自首，小新老豆前事不咎。而當達叔返去搵盲妹，發覺攤檔已經唔喺度，取而代之係開咗間花店，盲妹亦睇得返嘢。
冇嘢慘得過俾暗戀嘅女仔當係乞衣，仲發覺對方已經有男朋友，深知自己因為呃盲妹自己係靚仔同有錢，實際上亦配唔上嗰女仔。
盲妹含淚認出達叔，達叔含淚否認，然後告退。
2016年最後一日，都係想分享呢個故事，勉勵各位冇女巴打，振作呀！起碼唔會慘得過達叔先啦，你又冇試過俾個女仔50萬但係連佢嘅手仔都未拖過？
你諗下就知道，其實毒L一個更開心啦。
全片：
https://www.youtube.com/watch?v=Ad0O6m7gGnk
#蠟筆小小生 #吳孟達 #朱茵
請支持 舊的港產片新的影評 page：
https://www.facebook.com/HKFilmsNewReviews/
請按此登錄後留言。未成為會員? 立即註冊