【一蚊雞保鏢】「視帝」黃子華影壇仆直作品，其實係滄海遺珠。 精選 推薦

「視帝」陳豪、黎耀祥同黃子華，今日我哋睇佢哋風光，但唔係好多人知道佢地當年闖蕩影壇有幾滄桑。

陳豪拍過三級片【晚九朝五】，喺 【古惑仔2之猛龍過江】、【濠江風雲】、【慈雲山十三太保】等片入面飾演古惑仔，亦喺【恐怖雞】入面飾演心狠手辣嘅罪犯。雖然令人有少少印象，但連半紅不黑都算唔上，只能夠講係喺影壇「匆匆路過」。反而回歸電視圈後由低做起，越撈越掂。

黎耀祥曾經係「香港B級片」嘅其中一位「御用演員」。何為「B級片」？即拍攝時間短暫且低製作預算的電影。通常B級片並沒有大明星參與演出，但都刻意挑選大眾喜歡的題材拍。黎耀祥拍過過百套電影，大多數都係喺「B級片」入面做男主角同男配角，而通常呢類B級片係欠缺宣傳，有冇上映過都好少人知，黎耀祥亦唔能夠透過演出多而累積知名度。反而離開電影圈去過ATV再回歸TVB，先搵到佢自己嘅一片天。
同樣，黃子華亦係「影壇黑仔代表人物」。有才華，有諗頭，有演技，就係唔能夠喺影壇發圍。其自編自導自演嘅作品【一蚊雞保鏢】僅僅錄得11萬港幣票房，可謂「唔知點解可以仆得咁直。」

票房唔好有好多因素。欠缺宣傳？上映場次唔夠？題材冷門？過去已成過去，好彩【一蚊雞保鏢】多次出現喺電影台，而近年有人upload上youtube，令呢套電影得以「重生」。

而我特登cut條片再出文講呢部戲，就係為部戲平反，為黃子華平反。

其實【一蚊雞保鏢】好好睇，好本土。拍攝地點正是新界西屯門。
我認為以黃子華今時今日受歡迎嘅程度，重新上映【一蚊雞保鏢】，好多機會都係仆直。但係各位，網絡世界嘅其中一個價值就係可以隨時隨地分享好嘢，識Upload便Upload，識Donwload便Download，唔識Upload同Download，都可以透過一個like&一個share傳出去。

【三五成群】唔係都係透過呢種方式重生嗎？

【一蚊雞保鏢】都得！

全片：

https://www.youtube.com/watch?v=5CZ6t0VgMXw


請支持 舊的港產片 新的影評 page：
https://www.facebook.com/%E8%88%8A%E7%9A%84%E6%B8%AF%E7%94%A2%E7%89%87%E6%96%B0%E7%9A%84%E5%BD%B1%E8%A9%95-376288029162279/