【黑白道】【滄海遺珠】不懂變節的臥底,通常係死唔眼閉。


魚魚(女版主)係TVB迷,晚晚都要睇TVB劇集,五月份係【不懂撒嬌的女人】嘅天下,而魚魚成日用國語撒嬌,口頭禪亦係「不懂乜乜乜」,坦白講呢套劇我係陪魚魚睇,第一季幾正,第二季開始大暴走……睇埋大結局我就同魚魚講:

「不如我去考個TVB編劇返嚟做啦,以後晚晚睇我寫嘅劇本好過啦。訓喺度作都唔會成日loop陪著你走+無厘頭Cherry…… 」

電影【黑白道】=電視劇【不懂變節的臥底】

電影【胭脂扣】=電視劇【不懂殉情的男人】

電影【愛的世界】=電視劇【不懂賭博的老豆】

……

基本上所有悲劇我改返做喜劇嚟寫都得啦。而陪魚魚睇TVB劇情嘅時候,我就喺度煲舊的港產片,呢套【黑白道】雲集三大影帝,全黑吳鎮宇,全白黃秋生,半白唔黑嘅張家輝,演技大較量之下,張家輝竟然毫不遜色!可見十年前嘅張家輝已經好勁。

如果想感受臥底嘅血與淚,睇呢套【黑白道】就真係冇得輸。海仔最後死嗰一幕我都喊過幾次,難受過傻仔Saving俾無厘頭Cherry飛多多聲。因為劇情要好,角色要好,先可以拍出絕佳嘅效果。而唔係無厘頭搞咁多分分合合,九唔搭八,商戰危機可以一夕間喺一個女人手上變成虛無,犯駁位咁多又點會好呢?

【黑白道】就真係令人睇完心都up埋嘅好戲。久久不能忘記,而得閒就想重溫!

如果喜歡我們的文章,請即分享到︰

標籤: 黑白道  黃秋生  張家輝  吳鎮宇  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→