【末日派對】往往係啲冷門戲俾到人驚喜,好嘅創作唔需要討好任何人。


每當俾人問起我鐘意睇港產片,係最新嘅邊套邊套,定係大眾崇尚嘅經典,我嘅答覆都唔係呢啲。

「最近個套……」?我冇睇過呀;「最鐘意無間道」?我唔鐘意呀我鐘意【邊緣人】。

人哋「發財立品」,我「吸likes立志」,Upload完較為冷門嘅電影片段,吸完一輪likes,就會寫下影評介紹下我覺得好睇嘅電影,留意到影評post遠遠不及其他片post咁多likes,咁可能係我文筆太差啫呵呵,但我唔會灰心,我會繼續努力,po自己認為要po嘅內容。

大製作大卡士唔代表套戲唔可以曳,小製作細卡士唔代表套戲唔可以好。人生好短,我嘅樂趣就係發掘啲冷門戲嚟望下。搵到好嘢會好興奮,搵到次貨會平常心。

記得有年金像獎頒獎典禮,有位入圍最佳新人獎嘅女演員叫廖子妤,參演嘅作品叫【末日派對】。而數月後,YouTube上有人擺咗套戲上去,我承認我係對廖子妤呢個名字有好感,加上佢外形唔亮麗卻散發一種特別嘅氣質,我諗呢啲肯定就係佢個人嘅吸引力,於是我咪睇下套戲。

我好現實,睇到唔對路嘅部分就會skip,但【末日派對】冇悶親我,我係可以慢慢睇曬成套戲而唔覺得拖時間,近四年時候我前後睇咗五次,可見我肯定覺得好睇,如果唔係點會甘心五次做犧牲嘅白老鼠?

【末日派對】係一套對社會有所控訴嘅電影,係真憤怒定真維穩,我反而唔覺得好大問題,而係導演想帶出太多信息,但只係講,唔係探討,我睇完亦唔覺得邊度需要反思。

如果純粹當一套劇情片嚟睇,係幾好睇。如果暗示香港係末日,所以要用打劫銀行等激進方式去控訴?我唔會認同,係因為我唔認為咁嘅控訴就幫到香港,但人哋點buy呢套激進方式,我亦唔會過份批評。畢竟呢度都仲係香港,唔係內地更加唔係北韓,睇每一套戲又好分析每一單事情都好,我有自己嘅睇法,唔需要迎合其他人嘅睇法。

舊的港產片新的影評好少估個導演點樣鋪排係有乜嘢用意,因為估估下永遠都唔會成功估到導演想點,除非個導演親口講出嚟佢想點。倒不如用一種新嘅方式去「勸」大家重溫舊戲。

信我,睇咗先啦,我呢個post都係想同大家講下 @舊的港產片新的影評嘅 開page宗旨。

「香港喜劇電影唔淨只睇周星馳一個,仲有好多好正嘅喜劇值得大家睇返。」

「每年睇金像獎我都喺度諗,香港應該搞嗰頒獎典禮,頒俾過往未曾獲取任何提名嘅電影/電影人,籍著頒獎去令大家關注返以前好嘅港產片。」


歡迎支持舊的港產片新的影評 Page:

https://www.facebook.com/HKFilmsNewReviews/

如果喜歡我們的文章,請即分享到︰

標籤: 末日派對  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→