【恐怖雞】女人恐怖起嚟仲Crazy過男人。
如果冇睇過【恐怖雞】呢部電影，單單係睇到呢一張圖仲以為係【天若有情】入面嗰純情少女吳倩蓮轉咗個村姑look。
90年代係港產驚慄片氾濫嘅年代。殺人橋段充其量只算係喜劇，係要有咁血腥得咁血腥，將人當動物咁劏先叫「正到飛起」，先叫有「有Market」。
鐘意睇呢啲殺人再劏人場景嘅朋友，其實去街市魚檔睇Live仲過癮，濃濃嘅血腥味，老細斬魚嗰陣啲魚鱗呀魚肉呀魚血呀都有機會噴埋你身度，正呀喂！
【恐怖雞】嘅恐怖唔在於吳倩蓮點樣糟質黎耀祥，而係意識恐怖。
大陸妹殺死香港妹並取得其個人資料，再打扮成香港妹咁嘅樣嚟香港補領身份證，繼而取代香港妹嘅身份成為香港人。嚟到香港亦唔係重新做人，而係繼續搵第二個香港人，禁錮佢虐待佢，為自己鄉下情人嚟香港鋪路。雖然最終個結局係大陸妹同情人功敗垂從著草返大陸，但係佢竟然係講：「不過都唔緊要，唯有下次做好啲。」
吳倩蓮飾演如此心狠手辣嘅變態女人，我唔驚訝，畢竟佢係演員嚟嘛。
只不過「周星馳御用編劇」、擅長喜劇嘅曾謹昌，選擇用呢套意識如此恐怖嘅驚慄片作為執導處女作，實在令我好驚訝。
而事實上票房僅僅得HK$446,790（維基百科資料），係44萬港幣only，唔知係咪曾謹昌以後冇再執導嘅原因。
呢部戲票房雖然唔好，但係可觀性強，越嚟越多人睇過之後都讃呢部戲好睇。
比起黃秋生@【八仙飯店之人肉叉燒包】、孫佳君@【人肉叉燒包2之天誅地滅】、任達華@【天水圍的夜與霧】。
我認為吳倩蓮@【恐怖雞】更令人畏懼。
如果嗰個大陸人都好似佢咁做，香港仲得了？唔需要五十年不變，香港徹徹底底「回歸」。
呢個就係我點解話【恐怖雞】最恐怖，係套戲嘅意識恐怖。
請支持 舊的港產片 新的影評 page:
https://www.facebook.com/%E8%88%8A%E7%9A%84%E6%B8%AF%E7%94%A2%E7%89%87%E6%96%B0%E7%9A%84%E5%BD%B1%E8%A9%95-376288029162279/
如果冇睇過【恐怖雞】呢部電影，單單係睇到呢一張圖仲以為係【天若有情】入面嗰純情少女吳倩蓮轉咗個村姑look。
90年代係港產驚慄片氾濫嘅年代。殺人橋段充其量只算係喜劇，係要有咁血腥得咁血腥，將人當動物咁劏先叫「正到飛起」，先叫有「有Market」。
鐘意睇呢啲殺人再劏人場景嘅朋友，其實去街市魚檔睇Live仲過癮，濃濃嘅血腥味，老細斬魚嗰陣啲魚鱗呀魚肉呀魚血呀都有機會噴埋你身度，正呀喂！
【恐怖雞】嘅恐怖唔在於吳倩蓮點樣糟質黎耀祥，而係意識恐怖。
大陸妹殺死香港妹並取得其個人資料，再打扮成香港妹咁嘅樣嚟香港補領身份證，繼而取代香港妹嘅身份成為香港人。嚟到香港亦唔係重新做人，而係繼續搵第二個香港人，禁錮佢虐待佢，為自己鄉下情人嚟香港鋪路。雖然最終個結局係大陸妹同情人功敗垂從著草返大陸，但係佢竟然係講：「不過都唔緊要，唯有下次做好啲。」
吳倩蓮飾演如此心狠手辣嘅變態女人，我唔驚訝，畢竟佢係演員嚟嘛。
只不過「周星馳御用編劇」、擅長喜劇嘅曾謹昌，選擇用呢套意識如此恐怖嘅驚慄片作為執導處女作，實在令我好驚訝。
而事實上票房僅僅得HK$446,790（維基百科資料），係44萬港幣only，唔知係咪曾謹昌以後冇再執導嘅原因。
呢部戲票房雖然唔好，但係可觀性強，越嚟越多人睇過之後都讃呢部戲好睇。
比起黃秋生@【八仙飯店之人肉叉燒包】、孫佳君@【人肉叉燒包2之天誅地滅】、任達華@【天水圍的夜與霧】。
我認為吳倩蓮@【恐怖雞】更令人畏懼。
如果嗰個大陸人都好似佢咁做，香港仲得了？唔需要五十年不變，香港徹徹底底「回歸」。
呢個就係我點解話【恐怖雞】最恐怖，係套戲嘅意識恐怖。
請支持 舊的港產片 新的影評 page:
https://www.facebook.com/%E8%88%8A%E7%9A%84%E6%B8%AF%E7%94%A2%E7%89%87%E6%96%B0%E7%9A%84%E5%BD%B1%E8%A9%95-376288029162279/
請按此登錄後留言。未成為會員? 立即註冊