【元州街皇后】好戲之人張國強演活勤力工作、愛錫家人嘅賭徒。


「搏一搏,單車變摩托。」相信好多香港人都對呢句說話深信不疑。人工追唔上通脹,積蓄買唔起房屋,有時候賭都係買一個希望,否則日挨夜挨真係好頹。

電影【元州街皇后】係反映香港三大現象:賭馬、企街妓女賣淫同埋大耳窿收數。賭馬固然係搵錢博,企街妓女搵身體博,而大耳窿就係搵命博,甚至做出好多違法行為。

戲中飾演阿正嘅張國強,可謂成套戲嘅靈魂人物。身為一家之主卻因為跛咗隻腳而打幾份散工,卻因為寄情賭馬改善生活,老婆淪為街邊流鶯。大耳窿三番四次上門搞阿正屋企,最後阿正亦因為保護妻兒而喪命。

我個人好欣賞張國強,我認為一個演員係應該擴闊自己戲路,多作嘗試。有冇獎拎,有冇人識,呢啲嘢唔好過份計較,做好自己本份就會有人欣賞。正如張國強自己都話,人哋搵得佢佢就會俾心機做好個角色,因為佢既收到人工,又可以幫到人,利己利他,雙贏局面。

全片:

https://www.youtube.com/watch?v=4PxDEXPbqx4

#元州街皇后 #張國強

如果喜歡我們的文章,請即分享到︰

標籤: 張國強  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→