【劇情討論】Walking Dead 第6季 熱血回歸

美劇世界 於 16/02/2016 發表 收藏文章

苦等左2個幾月,尋晚情人節強勢回歸既Walking Dead,今集劇情峰迴路轉,好多估你唔到既場面出現左!

1) Negan 電單車黨
Daryl、Sasha 同 Abraham 返小鎮既時候遇到一班電單車黨,唔單止武器被搶,仲諗住跟埋佢地返小鎮。當以為又多開一條支線既時候,突然「呯」一聲,電單車黨全部被 Daryl 用火箭炮炸死,然後就笑笑口繼續上路!為佢地緊張左足足5分鐘,竟然係咁樣收尾,真係比你吹到啤一聲。但呢一幕交代左電單車黨既首領叫 Negan,應該好快會見到佢。
2) Jessie、Sam、Ron
Season 6 頭半季咁長篇幅講佢地3母子,點估到編劇會新年流流黎個冚家富貴!Ron 上集佢已經差D累全家,今集仲諗住啪低 Rick,我諗無咩人會為佢既死而難過。但 Jessie 又好人又靚女,大家都以為佢會取代 Lori 成為 Rick 另一半既時候,竟然咁快就 Byebye,小編為佢崩潰左幾秒。

3) Glenn
上半季小編曾經為佢既「死」傷心過,點知佢又滑稽地「番生」。今集佢為左救 Maggie ,自己單人匹馬引開一班喪屍,最後搞到被逼到牆邊包圍。當小編以為個編劇堅到要 Glenn 死過番生再死番既時候,突然又係「呯呯」聲,Abraham 佢地趕到番黎救左佢,吹脹! 其實 Glenn 係劇中既地位同 Rick 差唔多,正路應該唔會咁快死既。

4) Denise、Wolf
應該無人會鐘意呢隻 Wolf ,但今集佢既死可能會令人覺得有D可惜。雖然佢一直都係奸角,但今次竟然為左救 Denise 而被咬,被 Carol 射中後更攬低喪屍幫 Denise 開路。明顯呢幕係交代 Carol 同 Morgan 之間既矛盾,雖然 Morgan 看似企係道德既一邊,但一套現實殘酷既喪屍片,小編覺得 Carol 既狠先係令個 Group 生存下去既重要原素!
5) 美劇世界
小編岩岩開始成立呢個「美劇世界」,你既支持係我寫文既動力,請到 Facebook 比個 Like!Facebook Page 會定期報導最新資訊、劇情討論同精華重溫!

如果喜歡我們的文章,請即分享到︰

標籤: The Walking Dead  AMC  劇情討論  

留言


請按此登錄後留言。未成為會員? 立即註冊
    快捷鍵:←
    快捷鍵:→