【情人節放閃光彈系列】張繼聰尖沙咀海旁自彈自唱冧老婆謝安琪,同場仲有周國賢夫婦!

快樂工作室 於 15/02/2019 發表 收藏文章
尋日情人節,男朋友老公們都絞盡腦汁使出渾身解數,務求令到另一半有個難忘嘅節日,又或者其實只係務求令到另一半唔好嬲佐自己,等自己呢日唔使咁難忘。雖然話係絞盡腦汁,不過情人節年年過,最後黎黎去去都不外乎送花送朱古力送公仔行街睇戲食大餐呢D。其實已經好閃,不過唔夠佢閃。

尋晚出名錫老婆嘅張繼聰就帶佐老婆謝安琪同仔女出街過節。佢先係同小情人甜蜜錫錫專登激嬲老婆:


然後再係本來就已經佳節愛人一對對,周圍都好閃嘅尖沙咀海旁投下閃光彈,係老婆同一大班圍觀情侶面前自彈自唱《每天愛你多一些》!(同場仲有周國賢夫婦,Endy當然都唔少得要唱番首《目黑》氹老婆)

(下面有4段片)


引用老婆話唔要d物質禮物,但係要難忘嘅冧豬嘅幾十年後都記得嘅🍃 於是我帶佢去海旁,問班年輕人借咗d架生......

有個唔要物質野嘅老婆,張繼聰好幸運;有個肯為自己製造難忘回憶嘅老公,謝安琪亦都好幸福。最慘嘅係一眾俾佢地閃到盲嘅單身狗,同埋俾女朋友/老婆睇到呢單新聞嘅男朋友/老公。張生將個標準提到咁高,睇黎出年佢地要跳火圈先得了。

如果喜歡我們的文章,請即分享到︰

標籤: 張繼聰  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→