想當年《少林足球》出街之後，大家都驚訝功夫+運動真係有得做~ 連少林寺都hit到話要上市 (大家有冇上過少林寺網頁？重有英文版添~)......估唔到10年後，竟然有人翻兜功夫足球....sorry，應該係「跆拳道 + 美式足球」嘅武學運動ComBATON！
「ComBATON」顧名思義，就係戰鬥(Combat) + 短棍(Baton) + 美式足球嘅運動，由Steve Blanton响1998年發明，不過話係發明，倒不如話係集百家之大成，因為一直到左2004年11月，佢先得到佛羅里達跆拳道協會(Florida A.A.U. Tae Kwon Do Association)理事長David Turnbull幫忙，再加埋貢獻旗下幾位擁有跆拳道黑帶嘅學生，先令ComBATON正式變成可以响場上實際對打嘅運動。
至於ComBATON嘅規則呢......都唔算複雜啦！反正就是兩隊各有3個人，响一個比室內美式足球場大少少嘅場地上面對踢；咁踢乜鬼呢？就係踢短棍，只要手上拎住自己隊嘅短棍，然後又能踢到敵隊掛响杆上嘅短棒就算得分，換句話講，如果要阻止對方得分嘅話，就要「踢」飛對方嘅「短棒手」啦。(所以講來講去，總之就係見棍就踢啦！)
不過，好似跆拳道咁，唔同踢法係會有唔同嘅得分嘅，就好似企响度踢就有3分，跳起踢就有4分，如果用超型仔360度迴旋踢就最勁有5分；另一方面，你可以做防守去踢對方嘅「持棍手」，不過唔係咩部位都踢得，一定要pet pet以上、脊椎同後腦杓以外嘅部位先踢得，頭部以外對方可以用拳打，可以推，不過唔可以攬，可以膝撞、但唔可以用手踭。而為左減低血腥味 (其實已經打到飛起啦~)，選手都會著哂甲同戴頭盔，如果兩隊同時踢到對方嘅短棒，就會响一個圈圈入面一打一決勝負 (講到尾都係隻抽)。
呢度link左條「比賽」片段畀大家開下眼界，不過話時話，我覺得似打爛仔交多過「比賽」....而必勝方法就係「盡快踢瓜哂對方」就得啦！
「ComBATON」顧名思義，就係戰鬥(Combat) + 短棍(Baton) + 美式足球嘅運動，由Steve Blanton响1998年發明，不過話係發明，倒不如話係集百家之大成，因為一直到左2004年11月，佢先得到佛羅里達跆拳道協會(Florida A.A.U. Tae Kwon Do Association)理事長David Turnbull幫忙，再加埋貢獻旗下幾位擁有跆拳道黑帶嘅學生，先令ComBATON正式變成可以响場上實際對打嘅運動。
至於ComBATON嘅規則呢......都唔算複雜啦！反正就是兩隊各有3個人，响一個比室內美式足球場大少少嘅場地上面對踢；咁踢乜鬼呢？就係踢短棍，只要手上拎住自己隊嘅短棍，然後又能踢到敵隊掛响杆上嘅短棒就算得分，換句話講，如果要阻止對方得分嘅話，就要「踢」飛對方嘅「短棒手」啦。(所以講來講去，總之就係見棍就踢啦！)
不過，好似跆拳道咁，唔同踢法係會有唔同嘅得分嘅，就好似企响度踢就有3分，跳起踢就有4分，如果用超型仔360度迴旋踢就最勁有5分；另一方面，你可以做防守去踢對方嘅「持棍手」，不過唔係咩部位都踢得，一定要pet pet以上、脊椎同後腦杓以外嘅部位先踢得，頭部以外對方可以用拳打，可以推，不過唔可以攬，可以膝撞、但唔可以用手踭。而為左減低血腥味 (其實已經打到飛起啦~)，選手都會著哂甲同戴頭盔，如果兩隊同時踢到對方嘅短棒，就會响一個圈圈入面一打一決勝負 (講到尾都係隻抽)。
呢度link左條「比賽」片段畀大家開下眼界，不過話時話，我覺得似打爛仔交多過「比賽」....而必勝方法就係「盡快踢瓜哂對方」就得啦！
請按此登錄後留言。未成為會員? 立即註冊