我夠膽講句，係男人都一定試過比師奶隻手發中下面。

以下呢一個畫面，
相信係無論香港邊達地方，我哋每一日都會見到。

一個師奶。
慢慢咁一步兩步三步，
大搖大擺咁樣橫行大街小巷，
依件事常見到似乎已經係佢哋嘅責任。

無論條街係大定細闊定窄，
街就係街，
佢哋就係要行係中間。

依種情形無形間令到行係後面嘅你，
同師奶之間似乎形成咗一種微妙嘅張力，
你心入邊從來未試過咁清楚自己想做一件事，
就係要過佢頭。

你以為容易？
師奶虎背熊腰，
佢地一手GAP住自己嘅手袋，
而另外一隻手則放鬆地隨着自己身體既擺動，
以一種極為誇張嘅幅度發下發下。

你望住佢隻熊掌咁厚既手，
不知不覺間似乎好似有一種好似石修催眠術嘅引力，
慢慢你本來雜亂嘅思緒都變到好似湖面咁平靜。

突然一個迅雷不及掩耳盜鈴。

「啪！！！」
你嘅下面己經俾佢拍中咗。

師奶唔需要望住你，
師奶唔需要知你有幾高你隻腳有幾長，
師奶甚至唔需要知道你係後面。

佢哋依然可以只用單手，
運用籃球入邊高超嘅後傳技巧，
以一種後抽嘅高難度姿勢，
精確咁樣拍中你下面。

中就係中。

過程係會有痛楚，
但我肥姨姨夠膽講句，
你未畀試過比師奶拍個下面，
唔算係一個真正嘅男人。
鐘意我既文章或者想睇更多
可以睇依到係我肥姨姨既Facebook
你既Like同cm係我既支持哦
https://www.facebook.com/%E8%82%A5%E5%A7%A8%E5%A7%A8-1102806183130007/